![](https://bhaktapurpost.com/wp-content/themes/onlineparda/images/1px.gif)
सौर्य एयरलाइन्सको विमान दुर्घटनामा चार जनाको उद्धार गरिएको नेपाल प्रहरीले जानकारी दिएको छ ।
उद्धार गरिएका ३ जनाको टिचिङ अस्पतालमा उपचार भइरहेको र एक जनाको केएमसी अस्पतालमा उपचार भइरहेको नेपाल प्रहरीले जनाएको छ । केएमसीमा विमानका पाइलट मनिष रत्न शाक्यको उपचार भइरहेको छ ।
अहिलेसम्म १५ जनाको शव निकालिएको र अहिले शव टिचिङ अस्पताल लैजादै गरिएको प्रहरीले जानकरी दिएको छ ।
विमानलाई काठमाडौँबाट पोखरा मर्मतका लागि लैजाने क्रममा उडान भर्दै गर्दा त्रिभुवन बिमानस्थलको पूर्वतर्फ खाल्डोमा बिमान खसेको हो । विमानमा १९ जना एयरलाइन्सकै कर्मचारी भएको प्रहरीले जनाएको छ ।
अपडेट : न्यूजकारखानाले उपलब्ध गराएको यो समाचारमा प्रहरीलाई उद्घृत गर्दै ४ जनाको जिवितै उद्धार गरिएको जनाइएपनि नेपाल प्रहरीले ३ जनाको उपचारको क्रम्मा निधन भएको जनाएको छ । १८ शवको पोष्टमार्टम भैरहेको तथा पाइलट मनिषरत्न शाक्य मात्र जीवित रहेको र उनको उपचार भैरहेको नागरिक उड्डयन प्राधिकरणले पुष्टि गरेको छ ।