भक्तपुर पोष्ट संवाददाता भक्तपुर, २७ कार्तिक २०८१
भक्तपुर, २७ कार्तिक २०८१प्रहरी हिरासतमा रहेका राष्ट्रिय स्वतन्त्र पार्टी (रास्वपा)का सभापति रवि लामिछानेले ‘खोरमा थुनिँदैमा बाघ स्याल नहुने’ प्रतिक्रिया दिएका छन् ।
सरकारी वकिलको कार्यालय रूपन्देहीमा बयान दिइसकेपछि बाहिरिने क्रममा मंगलबार रविले आफ्ना समर्थकहरूलाई भने– ‘खोरमा थुनिदैमा बाघ स्याल हुँदैन ।’
पोखराबाट बयान सकेपछि बुटवलस्थित सुप्रिम सहकारी ठगी सम्बन्धको मुद्दामा रुपन्देही लगिएको हो।
जिल्ला प्रहरी कार्यालय रुपन्देहीले बयानलगायत अनुसन्धानका लागि बुटवल पठाइदिन पत्राचार गरेपछि कास्की प्रहरीले सूर्यदर्शनबारेको बयान सकेर उनलाईरुपन्देही पुर्याए लगत्तै बयान शुरु भएको बताइएको छ ।
पूर्व उपप्रधान एवं गृह मन्त्रीसमेत रहेका लामिछानेलाई एमाले-काँग्रेस गठबन्धन सरकारले कात्तिक २ गते पक्राउ गरी सहकारी ठगी, संगठित अपराध र सम्पत्ति शुद्धीकरण मुद्दामा अनुसन्धान गरिरहेको छ ।