भक्तपुरपोस्ट संवाददाताभक्तपुर, १४ पुस २०८१
भक्तपुर, १४ पुस २०८१नेकपा (माओवादी केन्द्र)को विद्यार्थी संगठन अनेरास्ववियु (क्रान्तिकारी) को नेतृत्वमा अन्ततः उमेर हद लागू हुने भएको छ । निर्वाचन मार्फत यो विषय टुङ्गो लागेको हो ।
उमेरहद ३२ वर्षे लागू गर्ने कि नगर्ने भन्ने विषयमा देशभरका प्रतिनिधि सम्मिलित मतदानको परिणामबाट उमेरहदका पक्षमा बहुमत देखिएपछि यो विषयको छिनोफानो भएको हो । प्रमुख निर्वाचन आयुक्त मुक्ति नारायण श्रेष्ठका अनुसार खसेको १ हजार ७ सय ७९ मतमा ९ सय मत उमेरहदको पक्षमा र उमेरहद नलगाउने पक्षमा ८ सय ७९ मत खसेको थियो ।
२१ मतान्तरले उमेरहद लगाउने विषय पारित भएको छ । मत परिणाम आएपछि अध्यक्ष पञ्चा सिंहले भनिन्, ‘उम्मेरहद ३२ लागु हुने भएको छ, यो ऐतिहासिक जितका लागि सबैलाई हार्दिक बधाई छ।” उमेर हदकै अधिनमा रही नेतृत्वको निर्वाचन भने माघ १२ गते सम्पन्न हुने उनले बताइन् ।