News Portal

  • मध्यराति यौन कार्यमा तल्लिन ६ नेपाली युवती र ११ भारतीय पुरुष जलेश्वरबाट पक्राउ

    इमान्दार संवाददाता
    १९२३ पटक

    जिल्ला प्रहरी कार्यालय महोत्तरीले अबैध यौन गतिविधिमा संलग्न ६ जना महिला र ११ पुरुषलाई मध्यराती रंगेहात पक्राउ गरेको छ।

    सोमबार राती ११ बजे सदरमुकाम जलेश्वरस्थित होटल स्माइल एन्ड रेष्टुरेन्टबाट उनीहरुलाई पक्राउ गरिएको महोत्तरीका प्रहरी नायव उपरिक्षक बालकृष्ण पोखरेलले जानकारी दिए।

    पक्राउ पर्ने ११ पुरुष सबै भारतीय हुन् भने महिला सबै नेपाली हुन्। होटलकी साउनीसहित ६ महिलालाई प्रहरीले पक्राउ गरेको हो।

    पक्राउ पर्ने पाँच युवती १८ देखि २५ बर्ष उमेर समूहका छन्। पक्राउ पर्ने ३ युवती झापाका हुन् भने अन्य २ जना पोखरा र धरानका हुन्।

    होटलमा अबैध यौन गतिविधि हुँदै गरेको सूचनाको आधारमा छापा मारिएको प्रहरी उपरीक्षक पोखरेलले जानकारी दिए। उनका अनुसार प्रहरी मध्यराती होटलमा पुग्दा उनीहरु यौन गतिविधिमा संलग्न थिए।

    प्रहरी होटलमा पुग्दा सुरुमा होटल सञ्चालनकले मूल गेट खोल्न मानेका थिएनन्। लामो समयको प्रयासपछि मात्र होटलको गेट खोल्न प्रहरी सफल भएको थियो।

    भारतीय नागरिकहरू नयाँ वर्ष मनाउन नेपाल भित्रिएका र उनीहरु अनैतिक क्रियाकलापमा संलग्न भएको सूचना पाएपछि होटलमा छापा मारिएको प्रहरीले जनाएको छ।

    पक्राउ परेकाहरुलाई जिल्ला प्रहरी कार्यालयको हिरासतमा राखेर थप अनुसन्धान सुरु गरिएको प्रहरीले जनाएको छ। उनीहरुलाई सार्वजनिक अपराध मुद्दामा कार्वाही अघि वढाउने तयारी प्रहरीले गरेको छ।

    प्रतिकृया दिनुहोस्

    शहीद पत्नी एवं भक्तपुर कांग्रेसकी नेतृ झाको निधन

    शहीद पत्नी एवं नेपाल महिला संघ भक्तपुरकी पूर्व अध्यक्ष शारदा झाको निधन भएको छ ।...

    एसईई दिने विद्यार्थीलाई नेसनल प्याव्सन भक्तपुरको अभिमुखीकरण

    नेसनल प्याव्सन भक्तपुरले शैक्षिक वर्ष २०८१ को एसईईमा सम्मिलित हुने आफ्ना विद्यार्थीलाई अभिमुखीकरण गरेको छ...

    पत्रकार प्रजापतिको उपचारमा पत्रकार महासंघको २९ हजार सहयोग

    भक्तपुर । मुटु रोगको उपचार गरिरहेका पत्रकार प्रेम प्रजापतिलाई नेपाल पत्रकार महासंघ भक्तपुर शाखाले आर्थिक...

    नगरपालिकाको नमूना काम, किसान दङ्ग

    झापा । झापाको बिर्तामोड नगरपालिकाले नेपालकै नमूनाको रुपमा तरकारीको न्यूनतम समर्थन मूल्य कायम गरी किसानलाई...

    ढल्यो ढल्यो भन्दैमा सरकार नढल्ने प्रधानमन्त्री ओलीको जिकिर

    प्रधानमन्त्री केपी शर्मा ओलीले कसैले ढल्यो ढल्यो भन्दैमा सरकार नढल्ने जिकिर गरेका छन् । पछिल्ला...