News Portal

  • प्रहरीले पक्राउ पुर्जी जारी गरेपछि नवराज सिलवालले राजधानी छोडे !

    इमान्दार संवाददाता
    १०३१ पटक

    ललितपुर क्षेत्र नम्बर १ बाट नवनिर्वाचित सांसद तथा प्रहरीका पूर्व डिआइजी नवराज सिलवाललाई पक्राउ गर्न नेपाल प्रहरीले सम्पूर्ण तयारी पुरा गरेको थाहा पाएपछि उनि काठमाडौँ छोडेर भागेको खबर छ ।

    सिलवाललाई पक्राउ गर्न मंगलबार महानगरीय प्रहरी परिसरले पक्राउ पुर्जी तयार गरेको छ । परिसरले सिलवाललाई गिरफ्तार गर्न ललितपुर प्रहरीलाई पत्र काटेको छ ।

    कार्यसम्पादन मूल्यांकन किर्ते गरेको आरोपमा मुद्दा खेपिरहेका पूर्वडिआईजी सिलवाललाई गिरफ्तार गरेर छानविन गर्ने भन्दै प्रहरीले पत्र काटेको बताइएको छ ।

    स्रोतका अनुसार सिलवाल घर छोडेर नभागे वा ठूलै राजनीतिक दवाव नअाए प्रहरीले उनलाई बुधबारसम्म गिरफ्तार गर्ने बताइएको थियो । तर उक्त खबर पाउनासाथ सिलवाल काठमाडौँ छोडेर भागेको स्रोतको दाबी छ ।

    प्रहरी प्रमुख अाफूले हुनुपर्ने माग गर्दै अदालतको ढोका ढकढक्याउन पुगेका सिलवालले किर्ते गरेर अाफूलाई बढी नम्बर दिएको अारोपमा मुद्दा चलिरहेको छ । उनले उक्त किर्ते कागजलाई प्रमाणका रुपमा पेश गर्दै सर्वोच्चमा मुद्दा हालेका थिए ।

    स्रोतका अनुसार प्रहरीले पक्राउ नै गर्ने भएपछि सिलवाल राजधानीबाट बाहिरिएका हुन्। सिलवाल निकट प्रहरी स्रोतले उनलाई पक्राउको सुचना दिएपछि मंगलबार दिउँसो नै काठमाडौँ छोडेर बाहिरिएको बताइएको छ ।

    तत्काल पक्राउ हुनबाट बच्ने र एमाले-माओवादी नेतृत्वमा सरकार बनिसकेपछि आफ्नो मुद्दा कमजोर बनाउने योजनासहित सिलवाल भागेको स्रोतले बताएको छ ।

    प्रतिकृया दिनुहोस्

    ४ सवारी साधन ठोक्किदा गयो २ जनाको ज्यान

    नारायणगढ-मुग्लिन सडक खण्डमा आइतबार राति भएको सवारी दुर्घटनामा परी मृत्यु हुनेको सङ्ख्या दुई पुगेको छ...

    चाँगुनारायणका उपप्रमुखको तलब र भत्ता, स्कूले विद्यार्थीलाई पोशाक र जुत्ता

    भक्तपुरको चाँगुनारायण नगरपालिकाका उपप्रमुख रमेश बुढाथोकीले आफूले पाउने तलब भत्ताको रकम विद्यालय पढ्ने बाबुनानीहरुको लागि...

    सिरोहियाको पक्षमा बोलेर आलोचित बनेका महले मागे माफी

    कान्तिपुर मिडिया ग्रुपका अध्यक्ष कैलास सिरोहियाको पक्षमा बोलेपछि आलोचित बन्न पुगेका कलाकारद्वय मदन कृष्ण श्रेष्ठ...

    दधिकोटका घिमिरेलाई उत्कृष्ट मानव अधिकार सेवा पुरस्कार

    भक्तपुरको सूर्यविनायक- ४ दधिकोट निवासी लोकनाथ घिमिरेलाई उत्कृष्ट मानव अधिकार सेवा पुरस्कार प्रदान गरिएको छ...

    सेक्युरिटी प्रिन्टिङ प्रेसमा दोषी ठहर इन्जिनियरले गरे भक्तपुरस्थित आफ्नै निवासमा आत्महत्या

    भ्रष्टाचार मुद्दामा विशेष अदालतले दोषी करार गरेपछि एक सरकारी कर्मचारीले आत्महत्या गरेका छन् । सेक्युरिटी...