भक्तपुर, ६ फागुनभक्तपुरमा जारी मेयर कप भलिबल प्रतियोगितामा सूर्यबिनायक नगरपालिकाले भोजपुर नगरपालिकामाथि जीतको नतिजा निकालेको छ । आइतवार भएको क्वाटरफाइनलमा भोजपुरलाइ हराउदै सूर्यबिनायक सेमिफाइनलमा पुग्न सफल भएको हो ।
सूर्यबिनायक नगरपालिकाले भोजपुर नगरपालिकामाथि १ का बिरुद्ध ३ सेट जीत दर्ज गरायो । आजको यस खेलमा सूर्यबिनायकका चित्र बहादुर केसी ‘म्यान अफ द म्याच’ घोषित भएका छन् । आफ्ना खेलाडीहरुलाइ हाैसला प्रदान गर्न सुर्यविनायक नगरपालिकाका मेयर बासुदेव थापा आफै खेल मैदानमा उपस्थित भएका थिए । जिल्ला शिक्षा कार्यालयको एक महत्वपूर्ण कार्यक्रमलाइ माया मार्दै उनी खेलाडीलाई हौसला दिन आइपुगेका थिए ।
आजको खेलमा बनेपाले ललितपुर उपमहानगरपालिकासंग पराजीत बन्दै सेमिफाइनल पुग्ने मौका गुमाएको छ । ललितपुर उपमहानगरपालिकाले बनेपालाई तीनै सेटमा पराजीत गरेपछि बनेपा क्वाटर फ़ाइनलमै सीमित बनेको हो ।
त्यसैगरी मकवानपुरको थाहाँ लाइ हराएर कैलालीको गोदावरीले सेमिफ़ाइनलको यात्रा सुनिश्चित गरेको छ भने ललितपुरको गोदावरी नगरपालिका भने तिलोत्तमा संग पराजित बनेको छ ।
हेर्नुस् स्कोरसहित थप विवरण
