News Portal

  • नेपाल चीन जोड्दै नेपाली सेना

    इभक्तपुर संवाददातागोरखा, १८ फागुन
    ६०४ पटक
    गोरखा, १८ फागुन

    तिब्बतको सिमाना जोड्ने लार्के सडकखण्ड निर्माणको जिम्मा पाएको नेपाली सेनाले ११ महिनामा १४ किमि ट्रयाक खोलेको छ । बेनीघाट–लार्के सडकखण्ड अन्तर्गत हावाडाँडाबाट सुरु गर्दै तातोपानीसम्म ट्रयाक खोलिएको हो ।

    लार्के सडकखण्ड अन्तर्गत लापुबेंसी, न्याउली, खानीबेंसी, माछाखोला र खोर्लाबेंसी हुँदै हाल तातोपानी क्षेत्रमा काम भइरहेको सेनानी निशान्त क्षत्रीले बताए । ‘गएको वैशाखको ११ बाट औपचारिक रूपमा हामीले काम सुरु गरेका हौं,’ उनले भने, ‘हालसम्म १४ किमि क्षेत्रमा काम भइरहेको छ ।’

    सडक निर्माणका लागि चालु आर्थिक वर्ष १० करोड रुपैयाँ विनियोजन भएको थियो । राष्ट्रिय गौरवका आयोजनामा परेको उक्त सडकको धेरैजसो भागमा कडा चट्टान रहेकाले विस्फोटक पदार्थको सहायता लिइएको उनले बताए ।

    ‘हावाडाँडादेखि लापुबेंसीसम्मको डेढ किमि सडक सबैभन्दा अप्ठ्यारो थियो, ब्लास्ट गर्दै खोलेका हौं,’ उनले भने, ‘धेरैजसो ठाउँमा कडा चट्टान भएकाले विस्फोटक पदार्थ प्रयोग नगरी काम गर्न गाह्रो छ ।’

    न्याउली खोलादेखि खोर्लाबेंसीसम्मको ९ किमि क्षेत्रको चट्टान फोर्न पनि विस्फोटक पदार्थ प्रयोग गरिएको थियो । ‘लापुबेंसी खण्डको केही क्षेत्रमा मात्र माटो भेट्यौं, अन्यत्र सबै ठाउँमा चट्टानै हो,’ उनले भने, ‘सर्वे भएको १६ किमिको काम गरिरहेका छौं, बाँकी खण्डको पनि सर्भे भइरहेको छ ।’

    सडकको ट्रयाक खोल्न नेपाली सेनासहित २ सय ७० जना कामदार खटिएका छन् । बेनीघाटदेखि लार्केसम्मको १ सय ८६ किमिमध्ये ६२ किमिको काम भने सडक विभागले गरेको छ । हावाडाँडादेखि लार्केसम्मको १ सय २० किमि सडकको ट्रयाक खोल्ने जिम्मा नेपाली सेनाले पाएको हो ।

    सडक निर्माणले तीव्रता पाएसँगै चुमनुब्री गाउँपालिका र धार्चे गाउँपालिकाका बासिन्दा खुसी भएका छन् । ‘यस्तो ठाउँमा सडक आउँछ भनेर सोचेकै थिएनौं,’ चुमनुब्री ३ सिर्दिवासका सुकमान गुरुङले भने, ‘मोटरबाटो आएपछि खच्चडलाई बोकाउन पर्दैन, अनि सस्तोमा सामान पनि पाइन्छ ।’

    सडक सञ्जालले नछोएको चुमनुब्री गाउँपालिकामा खच्चडबाट दैनिक उपभोग्य सामग्री ढुवानी हुँदै आएको छ । (कान्तिपुर दैनिक)

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...