भक्तपुर, १८ असार २०८०
भक्तपुर, १८ असार २०८० जिल्ला प्रहरी कार्यालय कास्कीमा कार्यरत इन्स्पेक्टर सुवास तिमिल्सिनाले एक महिला प्रहरीलाई आपत्तिजनक म्यासेज गरेका भेटिएको छ ।
पीडित महिला प्रहरीले तिमिल्सिनाले पठाएको म्यासेजको स्क्रिनसट ‘अब बोल्ने’ नामक ट्विटर ह्याण्डलमा पोष्ट गरेकी छन् । यस क्रममा उनले सुरक्षाको सेवक भएर पनि असुरक्षा भएको बताएकी छन् ।
‘सुरक्षा सेवक भएर उनले नेपाल प्रहरीको शक्तिबाट महिलाका लागि असुरक्षाको वातावरण सिर्जना गरिरहेका छन्,’ पीडित महिला प्रहरीले लेखेकी छन् ।
तिमिल्सिनाले आफू पीडित भनिएकी महिला प्रहरीको शरीरको फ्यान भएको भन्दै फोटो पठाउन आग्रह गरेको देखिन्छ । उनले महिला प्रहरीलाई डियर भन्दै सम्बोधन पनि गरेका म्यासेजको स्क्रिनसटमा छ ।
ट्विटर ह्याण्डलमा उक्त विवरण सार्वजनिक भएलगत्तै कास्की प्रहरीले छानबिन गर्न समिति गठन गरेको छ ।