News Portal

  • रहर होइन बाध्यता : खोला तर्न ट्यूवको भर

    पत्रपत्रिकाबैतडी, २४ फागुन
    ५०९ पटक
    बैतडी, २४ फागुन

    महाकाली नदी किनारका बासिन्दा अझै पनि ट्युबकै भरमा नदी तर्न बाध्य छन् । महाकालीमा झोलुंगे पुलसमेत नहुँदा दशरथचन्द नगरपालिकाको सेरा, तिरखडेनी, सिम्तडीलगायत क्षेत्रका बासिन्दा ट्युबबाटै जोखिमपूर्ण यात्रा गर्न बाध्य भएका हुन् । ‘दैनिक उपभोग्य सामग्री र औषधिका लागि भारतीय बजारकै भर छ’, दशरथचन्द नगरपालिका–६ का दानसिंह कार्कीले भने, ‘महाकाली नदीमा पुल छैन, जसकारण वर्षौंदेखि ट्युबमै आवतजावत गर्न बाध्य छौं ।’

    महाकालीमा ट्युब पल्टिँदा सर्वसाधारणको ज्यानसमेत जाने गरेको छ । महाकाली वारपार गर्ने अरू विकल्प नहुँदा ट्युबकै भर पर्नुपरेको दशरथचन्द–६, सेराकी तारा कार्कीले गुनासो गरिन् । पारिपट्टि आफन्त पनि छन् । भेटघाटदेखि अन्य कामका लागि भारतीय बजारको भर पर्नुको विकल्प नरहेको उनले बताइन् ।

    सेरामा नेपालका तर्फबाट अहिले कच्ची सडक पुगेको छ । यहाँबाट सीमावर्ती बजार झुलाघाट पैदल हिँड्दा दुई घण्टा लाग्छ । ‘बर्खामा झुलाघाट जाने बाटोमा माथिबाट ढुंगा खस्छ’, स्थानीय तिलकराम टमाटाले भने, ‘ट्युबबाट तर्न सकियो भने गाडीमा जान पाइन्छ । कोही बिरामी भएको बेला सीमावर्ती भारतीय अस्पताल लैजान पनि ट्युबकै भरमा छौं ।’

    त्यही ट्युबमा प्रयोगमा पनि भारतीय सुरक्षाकर्मीले रोक लगाएको उनले बताए । भारतीय सुरक्षाकर्मीले ट्युब काटिदिने गरेको उनको भनाइ छ । महाकालीमाथि झोलुंगे पुल बनाउने धेरै पहिलादेखि कुरा चलेको हो । यद्यपि, दुई देशको सीमा नदी भएकाले कुन ठाउँमा कसरी बनाउने भन्ने विषयमा केही छलफल हुन सकेको छैन । पुल नहुँदा सीमाक्षेत्रका नेपालीलाई ज्यादै सकस छ । ‘खाद्यान्नलगायत सामग्री खरिदका लागि भारतीय बजार नजिक पर्छ । त्यसका लागि ट्युबमै जोखिमपूर्ण यात्रा गर्नुपर्छ’, दशरथचन्द नगरपालिका–१० तीरखडेनीका रामसिंह बुडालले भने, ‘नेपालकै पुछारमा बैतडी छ । बैतडीको पुछारमा हामी छौं । हामीलाई सरकारले हेरेन ।’

    नेपालतिरबाट तिरखडेनीमा अहिले कच्ची सडक पुगेको छ । त्यो पनि बर्खामा बन्द हुन्छ । यस्तो अवस्थामा भारतकै भर पर्नुपर्ने बाध्यता रहेको स्थानीय जयन्ती बुडालले गुनासो गरिन् । ‘सीमाक्षेत्रका हामी बासिन्दाले ट्युबकै जोखिमपूर्ण यात्रा गर्नुपर्ने बाध्यता छ’, उनले भनिन्, ‘विकल्पमा पुल बनिदिए सर्वसाधारणलाई राहत हुने थियो ।’

    ट्युबबाट निकै जोखिम भए पनि नदी वारपार गर्न त्यसकै सहारा लिनुपर्ने बाध्यता रहेको तटीय क्षेत्रका बासिन्दाको भनाइ छ । ‘ट्युबबाट यात्रा गर्दा कतिखेर पल्टिने हो भन्ने डर हामीलाई लाग्छ’, तिरखडेनीकै हरिना पन्तले भनिन्, ‘डर लागेर मात्र के गर्नु ? विकल्प पनि त छैन ।’ आफूहरूको समस्या समाधानका लागि सरकारले यथाशीघ्र कदम चाल्नुपर्ने उनले बताइन् ।

    अन्नपूर्ण पोष्ट दैनिकबाट

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...