भक्तपुर, ११ चैत शनिवार काभ्रेमा चोरी गरि भक्तपुर पसेका ५ जना पक्राउ परेका छन । पक्राउ पर्नेमा पाँचै जना चागुनारायण नगरपालिका – ६ मा बस्दै आएका युवाहरु रहेका छन ।
पक्राउ पर्नेमा बर्ष २२ को गणेश लामा , बर्ष २१ को लच्छु कार्की , बर्ष २३ को अनिल मगर, बर्ष २४ को सुमन तामाङ , बर्ष २१ को रुपक तामाङ रहेको महानगरीय प्रहरी परिसर भक्तपुरका प्रवक्ता कृष्ण प्रसाईले जानकारी गराएका छन ।
शनिवार काभ्रे मण्डन देउपुर न.पा. -२ स्थित सानुकान्छा तामाङको पसलबाट नगद तीन लाख चोरी फरार भएका उनीहरु प्रहरीको फन्दामा परेका हुन् । काभ्रेबाट चोरीको सूचना आएपछि भक्तपुरमा संकास्पद हरुमाथि खोजतलास गर्न प्रहरी खटिएको थियो।
भक्तपुर नगरपालिका -१० कमलबिनायकबाट हिजै उनीहरु बा.७ च ४२ नं. को I10 कार सहित प्रहरीको फन्दामा परे । उनीहरुको साथबाट नगद रु.एक लाख छ हजार दुई सय दश रूपैया पनि बरामद भएको प्रहरीले बताएको छ ।
पक्राउ परेका पाँचै जनालाई थप अनुसन्धानको लागी आइतवार ई.प्र.का.बनेपा काभ्रे पठाईएको बताइएको छ ।