News Portal

  • अब ११ प्रकारकाे भूमि नरहने मन्त्री खनालको खुलासा : भू माफियाको दिन गएको दावी

    नेपालवाल संवाददाताकाठमाडौँ, २० जेठ
    २९५० पटक
    काठमाडौँ, २० जेठ

    कृषि, भूमि व्यवस्था तथा सहकारी मन्त्री चक्रपाणि खनाल बलदेवले भूमिको व्यवस्थापनमा आफ्नो ध्यान केन्द्रित भएको बताएका छन । सर्बोच्च शिखर सगरमाथाको शिखरमा पुग्न सफल आरोही निमा शेर्पालाई सम्मान गर्दै मन्त्री बलदेवले उक्त कुरा बताएका हुन् ।

    कृषिको उत्थानले मात्र नेपालीको आर्थिकस्तरको उत्थान हुन सक्ने भन्दै उनले अब भूमिलाई चार प्रकारमा वर्गीकरण गरेर व्यवस्थित गरिने खुलासा गरे । भूमिलाई कृषि, बसोबास, व्यावसायिक र औद्योगिक गरि ४ प्रकारमा बर्गीकरण गर्ने उनले खुलासा गरेका हुन् ।

    ”अहिले नेपालमा ११ प्रकारका भूमिहरू रहेकाले व्यवस्थापनमा समस्या भैराखेको छ , अब चार प्राकारका भूमि मात्र रहने व्यवस्था मिलाइन्छ ।” उनले भने ।

    सरकारले खेतीयोग्य जग्गामा भएको खण्डीकरण रोक्ने नीति ल्याउन थालेको समेत उनले जिकिर गरे । अब भू माफियाहरुले प्लटिंग गरेर कमाउने दिन गएको उनको दावी छ ।

    भूमिको सम्पूर्ण रुपले उपयोग गर्न भूमिको पुनर्ब्यस्थापन गर्न खोजिएको उनले प्रष्ट पारे ।

    मन्त्री बलदेवले एकातिर भूमि बाँझो रहने र अर्को तिर खाद्यान्न आयात गर्नुपर्ने स्थितिको अन्त्य हुनुपर्ने भन्दै कृषिलाइ पेशाको रुपमा बिकाश गर्न हर सम्भव प्रयास गरिनेमा जोड दिएका छन् ।

    कृषिलाइ आधुनिकीकरण गर्दै रोजगारीको अवसर सिर्जना गर्ने नीतिमा हामी छौ , अब कृषिबाट आर्थिक क्रान्ति शुरु हुन्छ ।” मन्त्री बलदेवले भने ।

    प्रतिकृया दिनुहोस्

    भक्तपुरमा सरकारी जग्गा देखाइ बैना लिने २ पक्राउ

    bhaktapurpolice

    अरुको जग्गा मात्र नभई सरकारी जग्गा समेत देखाइ बिक्री गर्न बैना लिएको अभियोगमा दुईजना पक्राउ...

    ४ अग्रज जनपक्षीय पत्रकारहरु पुरस्कृत

    सहिद पत्रकार कृष्ण सेन ‘इच्छुक’ को २० औं स्मृति दिवसका अवसरमा प्रेस सेन्टर नेपाल सम्बद्ध...

    ‘माटो जोगाऔं’ अभियानमा भक्तपुरका मेयर र उपमेयरको ऐक्यवद्धता

    save soil

    ‘माटो जोगाऔं’ भन्ने बिश्वब्यापी अभियानमा भक्तपुर नगरपालिकाका मेयर र उपमेयरले पनि ऐक्यवद्धता जनाएका छन् ।...

    सहकारीहरु मूल्य, मान्यता र सिद्धान्त बाहिर जाँदा समस्या

    shashi

    भूमि व्यवस्था, सहकारी तथा गरिबी निवारण मन्त्री शशी श्रेष्ठले सहकारीहरु मूल्य, मान्यता र सिद्धान्त अनुसार...

    भक्तपुरको धारामा खस्यो मेलम्चीको पानी, स्थानीय दङ्ग

    सुनिल sunil prajapati

    बहुप्रतिक्षित मेलम्ची खानेपानी आयोजनाको पानी भक्तपुरमा प्रवेश भएको छ । बिहीबार मध्याह्न १२ बजेदेखि भक्तपुरबासीहरुको...