News Portal

  • भक्तपुरमा राजधानी बनाउने बिषयमा बाझाबाझ

    नेपालवाल संवाददाताभक्तपुर, ३० जेठ
    ४९६८ पटक
    भक्तपुर, ३० जेठ

    भक्तपुर जिल्लाको स्थलगत अध्ययन गर्न आएको प्रदेश नं ३ को प्रदेश राजधानी सम्भाव्यता अध्ययन समितिको उपस्थितिमा भक्तपुरमा राजधानीको बिषयमा फेरि पनि मत बाझिएको छ ।

    मंगलवार बोडेस्थित कृषि विकास बैंकको तालिम हलमा आयोजित एक कार्यक्रममा प्रतिनिधि सभा सदस्य एवं (नेकपा ) का केन्द्रिय सदस्य महेश बस्नेतले भक्तपुर जस्तो उत्तम बिकल्प अरु नभएको जिकिर गरिरहँदा नेमकिपाकी प्रदेश सांसद सिर्जना सैजुले राजधानी भक्तपुरमा राख्न नहुने बताइन् ।

    उनले भक्तपुर मात्र नभई काठमाडौं वरीपरी पनि राजधानी राख्नु नहुने तर्क पेश गरिन् । उनले संसदले टुंगो लगाउने बिषय सडकमा ल्याएर काम नभएको समेत भनिन् ।

    नेपाली काँग्रेसका नेता निसान ढुंगेलले प्रदेश राजधानीको बिषयमा राजनीति गरिएको आरोप लगाए । भक्तपुरमा राजधानी हुनुपर्ने पहिलो आवाज नेपाली काँग्रेसले उठाएको स्मरण गर्दै ढुंगेलले तत्कालिन एमालेले यसलाई आफ्नै मुद्दा जस्तो गरि चुनावमा भोटको राजनीति गरेको आरोप लगाएका हुन् ।

    पूर्व माओबादी केन्द्रका जिल्ला इन्चार्ज एवं (नेकपा) का नेता देवेन्द्र श्रेष्ठ दिवाकरले प्रदेश राजधानीलाई प्रतिष्ठाको बिषय नबनाउन आग्रह गरे । कुन पार्टीले पहल लियो वा कुन नेताले कुरा उठाए भन्ने कुरामा अल्झन नहुने उनको तर्क थियो । राजधानीले उपलब्ध गराउने अवसर सबैले पाउने हो त्यसले सबै एकताबद्ध भएर अघि बढ्नुपर्ने र प्रदेशले निर्णय गरे राजधानीको लागि तयार रहनुपर्नेमा उनको जोड थियो ।

    जिसस प्रमुख नवराज गेलालको अध्यक्षतामा संचालन गरिएको उक्त कार्यक्रममा नेकपाको तर्फ़बाट प्रदेश सांसद शशिजंग थापाले भक्तपुरलाई प्रदेश राजधानी बनाउन १० दलिल पेश गरेका थिए । पूर्व एमालेका जिल्ला अध्यक्ष एवं (नेकपा) नेता बचन देउजा ,पत्रकार महांघका जिल्ला अध्यक्ष पुस्कर बुढाथोकी, मध्यपुर थिमीेका मेयर, सूर्यविनायककी उपमेयर लगायतले भक्तपुर प्रदेश नम्बर ३ को स्थायी राजधानी हुने बिश्वास व्यक्त गरेका थिए ।

    प्रतिकृया दिनुहोस्

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...

    नेपाली कांग्रेस भक्तपुरको सभापतिमा दुर्लभ थापा प्यानलसहित दोहोरिए

    नेपाली कांग्रेसको १४ औं महाधिवेशन अन्तर्गत भक्तपुरमा भएको जिल्ला अधिवेशनबाट दुर्लभ थापाको नेतृत्वमा नयाँ कार्यसमिति...

    एमाले महाधिवेशनमा सहमति जुटेन, नेतृत्वका लागि निर्वाचन तालिका सार्वजनिक

    सौराहा, १२ मंसिर । केन्द्रीय निर्वाचन आयोगले नेकपा एमालेको दसौँ राष्ट्रिय महाधिवेशनका लागि निर्वाचनको कार्यक्रमको...

    भक्तपुरबाट कांग्रेसको पहिलो मन्त्री दिलाउन सफल सभापति थापा पुन: दोहोरिने दावी,सोमबार चुनाव

    पार्टीको आन्तरिक प्रतिस्पर्धामा पोख्त नेपाली कांग्रेसको अधिवेशनले भक्तपुरमा चुनावी माहौल सृजना गरेको छ । नेपाली...

    भक्तपुरमा माओवादी केन्द्रको नगर सम्मेलन सम्पन्न

    भक्तपुर नगरपालिकामा नेकपा (माओवादी केन्द्र)को दोश्रो सम्मेलन सम्पन्न भएको छ । शनिवार सल्लघारीमा सम्मेलन सम्पन्न...