नेपालवाल संवाददाताभक्तपुर, ३० जेठ
भक्तपुर, ३० जेठट्रिपरको ठक्करबाट जडीबुटीमा एक महिलाको मृत्यु भएको छ । ट्रिपरले स्कुटरमा ठक्कर दिंदा महिलाको मृत्यु भएको हो ।
बा ४ ख ३५५८ नम्बरको ट्रिपरले बा ७० प ९३९९ नम्बरको स्कुटरलाई ठक्कर दिदाँ स्कुटरमा सवार महिलाको तत्कालै मृत्यु भएको छ । दुवै सवारी साधन भक्तपुरबाट काठमाडौं तर्फ जाँदै गर्दा उक्त दुर्घटना भएको हो ।
मृत्यु हुनेमा रौतहटको सदरमुकाम गौर स्थायी घर भइ हाल काभ्रेको बनेपा बस्दै अाएकी २४ वर्षीय अस्मिता राजभण्डारी रहेको प्रहरीले जानकारी गराएको छ ।
दुर्घटना र मृत्युको प्रत्यक्षदर्शीले यसलाई सहन गर्न सकिरहेका छैनन् । स्थानीयहरु आक्रोशित बनेका छन् । उनीहरुले ट्रिपरमा तोडफोड गरेर चित्त नबुझेपछि आगो लगाइदिएका छन् ।
ट्रिपर चालक महानगरीय प्रहरी प्रभाग कोटेश्वरको नियन्त्रणमा रहेका छन् ।