भक्तपुर, १ असारदेशमा संघियता लागु भै सकेको अवस्थामा शिक्षक सेवा आयोगले भने पुरानै संरचनाको लागि बिज्ञापन प्रकाशन गरेको छ ।
आयोगले ५ बिकाश क्षेत्रका लागि आवश्यक दरबन्दी अनुसार खुला प्रतिस्पर्धाबाट स्थायी शिक्षक पदपूर्तीको लागि दरखास्त आह्वान गरेको हो ।
त्यतिमात्र होइन , आयोगले संविधानको मर्म विपरीत स्थानीय संरचनालाई पुरै बेवास्ता गरि शिक्षा विकाश तथा समन्वय इकाइमार्फ़त दरखास्त माग गरेको छ ।
आयोगले प्राथमिक तह नै नभएको विद्यालय शिक्षामा प्राथमिक तहको लागि शिक्षक पदपूर्ती गर्ने बताएको छ । करीब १० हजार शिक्षक यसरी पदपूर्ती हुने भएका छन् । आयोगले बिहीवार उक्त सूचना जारी गरेको हो ।
त्यसैगरी शुक्रवार एक निर्णय गर्दै निम्न माध्यमिक तहका लागि १ हजार ६ सय ३५ जनाको पदपूर्ती गर्न सूचना जारी गरिएको छ ।
आयोगले ११ र १२ लाइ बेवास्ता गर्दै १० कक्षालाई नै माध्यमिक तह मानेर शिक्षक माग गरेपछि १२ सम्मलाई माध्यमिक शिक्षा मानेको बिद्यालय संरचना सकसमा परेको छ । आयोगले स्नातकोत्तर समेत नमागी शुक्रवार माध्यमिक तहमा १ हजार १ सय ८ जना शिक्षक माग गरेको हो ।
पुराना शिक्षकको तह मिलान गर्ने चुनौती हुँदाहुँदै हतार गरेर पुरानै संरचनामा नयाँ शिक्षकको बिज्ञापन गरिनुलाई विज्ञहरुले ‘अचम्ममा परेकाे’ प्रतिक्रिया दिएका छन् । अस्थायी शिक्षकलाई चिढाउन मात्र बिज्ञापन गरिएको उनीहरुले बताए ।
हेर्नुस् सूचना