News Portal

  • भक्तपुर सानो जिल्ला होइन : एसपी श्रेष्ठ

    नेपालवाल संवाददाताभक्तपुर, १० असार
    २७८१ पटक
    भक्तपुर, १० असार

    भक्तपुर प्रहरी प्रमुखको रुपमा रहेका प्रहरी उपरीक्षक हिमालय कुमार श्रेष्ठले भक्तपुर सानो जिल्ला नभएको जिकिर गरेका छन । आइतवार महानगरीय प्रहरी वृत्त थिमीद्वारा निर्मित डिजिटल सूचना पाटीसहितको प्रतिक्षालय उद्घाटन गर्दै उनले उक्त जिकिर गरेका हुन् ।

    ” भक्तपुर भूगोलमा सानो होला तर जनघनत्वका हिसावले यो ठूलो जिल्ला हो । अपराधका हिसावले पनि यो ठूलो जोखिम भएको जिल्ला हो । यसर्थ यसलाई सानो जिल्ला भनेर सुरक्षामा हेलचेक्र्याइ नगरौ ।” उनले अनुरोध गरे ।

    एसपी श्रेष्ठले नागरिकमा प्रहरीप्रति धेरै अपेक्षा रहेकोले त्यो पुरा गर्ने चुनौती लिन मातहतका प्रहरी अधिकृतहरुलाई निर्देशन समेत दिए । समाजका सबै समस्या र अव्यवस्थाको समाधान गर्न सक्ने सामर्थ्य प्रहरीसंग मात्र भएको बुझाइ नागरीकमा रहेकोले त्यसको सम्बोधन गर्नसक्नु पर्ने उनको भनाइ छ ।

    सडकका गाइबस्तुका समस्या देखि बाटोका समस्या , पाइपका समस्या , ढलका समस्या लगायत सबैको समाधान जनताले प्रहरीबाट खोज्ने प्रवित्ति भएको भन्दै शान्ति सुरक्षाका अलावा प्रहरीले धेरै जिम्मेवारी बोकेर हिड्नुपरेको एसपी श्रेष्ठले दावी गरे ।

    जनताको अपेक्षा पुरा गर्न नसक्नेहरुले प्रहरीको नेतृत्व गर्न नसक्ने बताउदै काम गर्न नसक्ने वा इच्छाशक्ति नहुनेले हात खडा गरेर मैदान छोड्न समेत मातहतका अधिकृतहरुलाई उनले आव्हान गरे ।

    जनताको काम नगर्ने वा आलटाल गर्ने प्रहरीलाई ठाउँको ठाउँ कारवाही गरिने बताउदै उनले जनताको काममा निस्वार्थ र निस्पक्ष भएर लाग्न समेत निर्देशन दिएका थिए ।

    उक्त अवसरमा थिमी वृत्तका प्रमुख प्रज्वल महर्जनले प्रहरी र नागरीक बीच अन्योन्याश्रित सम्बन्ध भएको भन्दै नागरीकको सुख र शान्ति नै प्रहरीको उपलब्धि भएको बताएका थिए । भर्खरै बढुवा भएर एसपी भएपछी प्रज्वलले यसको श्रेय थिमीका स्थानीयहरु र प्रहरी युनिटलाई पनि बाढेका थिए ।

    उक्त अवसरमा उनले आफ्नो १० महिने कार्यकालमा गरेका कामका प्रमुख उपलब्धिहरु वृत्तचित्र मार्फत प्रस्तुत समेत गरेका थिए । उनी सोमवारबाट नै भक्तपुरबाट रवाना लिई काठमाडौं कार्यक्षेत्रमा खटिदैछन् ।

    कार्यक्रममा नेपाल पत्रकार महासंघ, जिल्ला शाखा भक्तपुरका अध्यक्ष पुस्कर बुढाथोकी र मध्यपुर थिमी नगरपालिकाका कार्यकारी अधिकृत कमल ज्ञवालीले थिमी वृत्तमा प्रमुख भै बसेका प्रज्वल महर्जनको कार्यकाल सफल रहेको र उनले आफूलाई बोल्ने भन्दा काम गर्ने प्रहरी अधिकारीको रुपमा प्रमाणित गरेको बताउदै उनको आगामी पेशागत जीवनको सफलताको शुभकामना दिएका थिए ।

    प्रहरी निरीक्षक हस्त बहादुर सुनारले संचालन गरेको उक्त कार्यक्रममा नेपाल पत्रकार महासंघ, मध्यपुर थिमी नगरपालिकाका साथै थिमीका आधा दर्जन सस्था र व्यक्तिहरुलाई प्रहरीसंग सहकार्य गरेबापत सम्मान पत्र प्रदान गरिएको थियो ।

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...