News Portal

  • अरुण थापाको स्मृतिमा सांगीतिक श्रद्धान्जली सम्पन्न,११ वर्षीय अधिश्रीको स्वरमा आयो चोट के हो….

    नेपालवाल संवाददाताभक्तपुर, ६ साउन
    २०६६ पटक
    भक्तपुर, ६ साउन

    सदावहार गायक अरुण थापाको १९ औं स्मृति दिवसको अवसरमा सांगीतिक श्रद्धान्जली तथा सम्मान कार्यक्रम सम्पन्न भएको छ । शनिवार भक्तपुरको राधेराधेस्थित अतिथि प्यालेसमा शुभारम्भ द म्युजिकल जर्नी नाम दिइएको उक्त कार्यक्रममा गायक थापाका दर्जनौ गीतहरुबाट उनको सम्झना गरिएको थियो ।

    थोरै गीत गाएर पनि धेरै लोकप्रियता हासिल गर्न सफल सुगम संगीतका अजर अमर गायक थापाको स्मृतिमा रागरागिनी इन्टरटेन्मेण्ट, भक्तपुर सांगीतिक समाज र बिनाता कला प्रतिष्ठानले संयुक्तरुपमा कार्यक्रम आयोजना गरेका थिए । उक्त अवसरमा गायक थापाको सर्वाधिक लोकप्रिय गीत ऋतुहरुमा तिमी….का गीतकार राजेन्द्र रिजाललाई ‘अरुण थापा स्मृति सम्मान’बाट सम्मानित समेत गरिएको थियो ।

    आफ्नो शब्दमा गायक थापाको जादूमय स्वरका कारण ऋतुहरुमा तिमी सर्वाधिक लोकप्रिय हुनपुगेको र विश्वकै उत्कृष्ट ७ मा पर्न सफल भएको स्मरण गर्दै गीतकार रिजालले थापाको स्वरमा पाश्चात्य र पूर्वीयपनको फ्युजनपूर्ण मीठास भएको दावी गरे ।

    त्यसैगरी थापाको सम्मानमा ११ वर्षीय उदीयमान गायक अधिश्री कसपालले रि-रेकर्ड गराएको अर्को कर्णप्रिय गीत चोट के हो ब्यथा के हो …लाई पनि उक्त अवसरमा बिमोचन गरिएको थियो ।

    आजको कार्यक्रम प्रस्तोता समेत रहेका साहित्यकार एवं चोट के हो ब्यथा के हो ..का गीतकार सुवासचन्द्र ढुंगेलले सुमधुर स्वरका धनी थापाले गाएको गीत रि – रेकर्ड गराएर बाल प्रतिभा कसपालले देखाएको साहस र सम्मानको प्रसंसा गरेका थिए ।

    रागरागिनी इन्टरटेन्मेण्टका अध्यक्ष तथा कार्यक्रम संयोजक कपिल कसपालको सभापतित्वमा संचालित कार्यक्रममा प्रमुख अतिथिको रुपमा वरिष्ठ चलचित्र निर्देशक चेतन कार्की उपस्थित भएका थिए । कार्कीले गायक थापासंगको यादहरुको स्मरण गर्दै गीत सुन्दा सेण्टिमेण्टल देखिए पनि उनी रसिक स्वभावका रहेको बताए । उनले गायक थापा स्वरका मात्र नभइ मनका पनि धनी भएका भनेका थिए ।

    कार्यक्रमका आयोजक एवं सभापति कपिल कसपालले पुराना पुस्ताको सम्मानबाट नै नयाँ पुस्ताले सिक्ने बताउदै पुराना पुस्ताको बिडोँ थाम्ने अभिभारा नयाँ पुस्ताको काधमा आएको जिकिर गरे । उनले अहिले बजार डिजिटलाइज भएको र श्रष्टा र सर्जक भन्दा पनि व्यवसायीहरु मोटाउने स्थिति बनेको भन्दै श्रम शोशाणको अन्त्य हुनुपर्नेमा जोड दिए ।

    उक्त अवसरमा विश्व बल्लव , दीपक खरेल , प्रकाश सायमी , मुरारी सिग्देल , माइक खड्का , अजर जंगम , प्रविन शाही , बद्रि नारायण ताम्राकार ,मीना निरौला, विजय कायस्थ,सत्य नारायण मानन्धर, लक्ष्मण पालिखेल , रोजी श्रेष्ठ लगायत गीत संगीतका सर्जक र पारखीहरुसमेत १ सय बढीको उत्साहप्रद सहभागिता रहेको थियो ।

    कार्यक्रमकाे सफलताबाट उत्साहित आयोजकले यसपछि निकट समयमै गायक दीपक खरेल एकल साँझ गर्ने योजना भएको समेत जानकारी दिए । ”गठ्ठाघर निवासी गायक खरेलले यसको लागि आजै पनि वचन दिनुभएको छ । हामी छिट्टै मिति तोकेर कार्यक्रम गर्ने तयारीमा छौ ।” रागरागिनी इन्टरटेन्मेण्टका अध्यक्ष कपिल कसपालले नेपालवालसंग भने ।

    प्रतिकृया दिनुहोस्

    सहकारीहरु मूल्य, मान्यता र सिद्धान्त बाहिर जाँदा समस्या

    shashi

    भूमि व्यवस्था, सहकारी तथा गरिबी निवारण मन्त्री शशी श्रेष्ठले सहकारीहरु मूल्य, मान्यता र सिद्धान्त अनुसार...

    भक्तपुरको धारामा खस्यो मेलम्चीको पानी, स्थानीय दङ्ग

    सुनिल sunil prajapati

    बहुप्रतिक्षित मेलम्ची खानेपानी आयोजनाको पानी भक्तपुरमा प्रवेश भएको छ । बिहीबार मध्याह्न १२ बजेदेखि भक्तपुरबासीहरुको...

    काँग्रेसले स्थानीय जनप्रतिनिधिहरुको नियमित परीक्षा लिने गगन थापाको खुलासा

    gagan thapa

    नेपाली काँग्रेसका महासचिव गगनकुमार थापाले स्थानीय तहमा काँग्रेसबाट निर्वाचित जनप्रतिनिधिहरुको परीक्षा लिइने खुलासा गरेका छन्...

    दिनभरी काँग्रेस र रातभरी एमाले हुने अन्तर्घातीलाई माफी हुँदैन : दुर्लभ थापा

    durlove

    नेपाली काँग्रेस भक्तपुरका सभापति दुर्लभ थापाले स्थानीय निर्वाचनमा अन्तर्घात गर्ने पार्टीका नेता कार्यकर्तालाई आममाफी नहुने...

    खानेपानी सचिवमा गेलालको सरुवा : खानेपानीको समस्याबाट गुज्रिरहेका भक्तपुरबासी उत्साहित

    maniram gelal

    सरकारले ४ जना सचिव सरुवा गरेसंगै भक्तपुरको चाँगुनारायण नगरबासी मणिराम गेलालको खानेपानी मन्त्रालयमा सरुवा भएको...