भक्तपुर, २० मंसिरभक्तपुरमा शुक्रवार न्याय, सुरक्षा र मानव अधिकार बिषयक अन्तरक्रिया कार्यक्रम हुने भएको छ । नेपाल मानव अधिकार संगठन, जिल्ला शाखा भक्तपुरले अन्तरक्रियाको आयोजना गर्ने भएको हो ।
७० औं अन्तराष्ट्रिय मानव अधिकार दिवसको अवसर पारेर शुक्रवार अन्तरक्रिया कार्यक्रम राखिएको मानव अधिकार संगठन, जिल्ला शाखा भक्तपुरका अध्यक्ष रामकृष्ण मानन्धरले बताए । भेलुखेल,भक्तपुर स्थित सिद्धि स्मृति बाल अस्पतालको सभाहलमा शुक्रवार दिउसो २ : ३० देखि अन्तरक्रिया शुरु हुने जानकारी प्राप्त भएको छ ।
जिल्लाका न्याय प्रमुख, सुरक्षा प्रमुख, नगरका उपप्रमुख, अधिकारकर्मी , समाजसेवी, शिक्षक, विद्यार्थी, ब्यवसायी लगायतको बाक्लो उपस्थितिमा अन्तरक्रिया संचालन हुने बताइएको छ । उक्त कार्यक्रम जिल्लाको मानव अधिकारको वर्तमान अवस्था थाहाँ पाउन र भावी योजना बनाउन सार्थक हुने आयोजकको अपेक्षा रहेको छ ।
