भक्तपुर, ७ साउन विप्लव नेतृत्वको नेपाल कम्युनिस्ट पार्टीका केन्द्रीय सदस्यसमेत रहेका उपत्यका व्युरो इन्चार्ज माइला लामा भक्तपुरबाट पक्राउ परेको खुलासा भएको छ । जनकलाकारसमेत रहेका लामा भक्तपुरबाट पक्राउ परेको विप्लव स्वयमले खुलासा गरेका हुन् ।
शनिवार मध्यरातमा लामा पक्राउ परेका थिए । यस अघि उनी काठमाडौं बाट पक्राउ परेको बताइएको थियो तर विप्लवको विज्ञप्तिमार्फत लामा भक्तपुरबाट पक्राउ परेको थाँहा हुन आएको छ ।
एक विज्ञप्तिमार्फत महासचिव विप्लवले भक्तपुरको एक घरमा सुतिरहेको अवस्थामा संकटकाललाई नै बिर्साउने हतियारधारी फौजले माइला लामालाई पक्राउ गरेको बताए । उनले सरकार सामाजिक फासिवादी भएको भन्दै लामा लगायत आफ्ना नेताकार्यकर्तालाई नछोडे योजनावद्ध प्रतिरोधमा उत्रने चेतावनी समेत दिएका छन् ।
विप्लवका उपत्यका इन्चार्ज लामा मंगलवार कारागार चलान भएका छन् । ललितपुर जिल्ला अदालतमा मंगलवार भएको थुनछेकको बहसपैरवी पछि न्यायाधिस मदनकुमार धामिको एकल इजलासले उनलाई पुर्पक्षका लागि कारागार चलान गरेको हो । अदालतको आदेश लगत्तै नेता लामालाई नख्खु कारागार पठाइएको छ ।
बन्दीका तर्फबाट वरिष्ठ अधिवक्ता एकराज भण्डारी, वरिष्ठ अधिवक्ता डा सुरेन्द्र भण्डारी, अधिवक्ता खिमानन्द अधिकारी, अधिवक्ता नारायण प्रसाद तिवारीलगायतले बहस गरेका थिए ।
लामालाई एनसेल वम विष्फोटको आरोपमा संगठित अपराध तथा संविधान विपरित गतिविधि गरेको आरोपमा राजद्रोहको मुद्धा चलाइएको छ ।
हेर्नुस विप्लवको विज्ञप्ती
