News Portal

  • भक्तपुरपोस्ट समाचार प्रभाव : साझाले सच्यायो गल्ती, रातारात टाँसियो स्टीकर

    संजीप शुभचिन्तक भक्तपुर, १६ साउन
    ९९० पटक
    भक्तपुर, १६ साउन

    साझा यातायातले भक्तपुरमा थप गरिएका बसहरुमा आरक्षण सीट छुट्याएको छ । आरक्षण सीट नछुट्याई बस संचालन गरेको साझा यायायातले आरक्षण सीट छुट्याएको हो ।

    साझाले ३२ सीट क्षमता भएको बसमा अपांगता भएकालाई २ सीट र जेष्ठ नागरीकलाई २ सीट छुट्याएको छ । त्यसैगरी  महिलाको लागि ४ सीटको व्यवस्था गरिएको छ भने साझाले अझ एक कदम बढेर बालबालिकाका लागि पनि २ सीट छुट्याईदिएको छ ।

    आरक्षण सीटको व्यवस्था बेगर साझाका बस गुड्दा यात्रीलाई सास्ती भएको थियो । मानिसहरुलाई सीट छोड्न अनुरोध गर्दा ‘कहाँ लेखेको छ ?’ भनेर झर्कने र रिसाउने गरेको अनुभव सुनाउदै भक्तपुर चल्ने साझा बसका एक चालकले अव आनन्द भएको बताए । ” अव कसैसंग बोलिरहनु परेन, सीट आफै बोलेको छ ।” उनले भक्तपुरपोस्ट संग भने ।

    साझाका नयाँ थप गरिएका ६ वटा बस भक्तपुरको बाटोमा गुड्न थालेको १ महिना भएको थियो । न त ति बसमा अपाङ्ग सीट छुट्याएको थियो, न त महिला, बालबालिका र जेष्ठ नागरीकका लागि नै सीट छुट्याइएको थियो । आरक्षण सीट नछुट्याई बस संचालन गर्दा आरक्षण प्राप्त यात्रीहरु अप्ठ्यारोमा पर्दै आएका थिए ।

    आरक्षणको स्टीकर टास्न कुनै समय नलाग्ने भएपनि यसरी सेवामूलक दावी गर्ने साझा यातायातकै बसहरु बिना स्टिकर गुड्दा साझाको आलोचना भएको थियो । भक्तपुरपोस्टले ‘भक्तपुरमा साझा : सुविधा कम, सास्ती ज्यादा ‘ शिर्षकमा प्राथमिकतापूर्वक समाचार प्रकाशन गरेको थियो ।

    भक्तपुर पोस्टको समाचार बाहिरिए संगै साझाले रातारात स्टीकर टाँस गरेको हो । ”राती ग्यारेजमा राखेको बेलामा सबै बसमा स्टीकर टासिएछ ।” बा ५ ख ८७६२ नम्बरका चालकले बताए । बिना स्टीकर चलेको सोही बसको फोटोसहित भक्तपुर पोस्टले समाचार प्रकाशित गरेको थियो ।

    कर्मचारीको आँखाले नदेखेका कुरा साझाप्रेमीहरुले सम्झाइदिनु राम्रो भएको भन्दै साझा यातायातकी माया थापाले आफूले भक्तपुर पोस्टको जिज्ञासा उपल्लो तहमा जानकारी गराएको बताउदै आगामी दिनमा पनि सुझावको अपेक्षा गरिन् ।

    नेपाल सरकारले सार्वजनिक सवारीमा आरक्षण सीट अनिवार्य गरेको छ । आरक्षण सीट बिना सवारी चल्ने कल्पना गरिएको छैन । त्यतिमात्र होइन, आरक्षण सीटमा अन्य यात्री राखेमा नियमानुसार कारवाहीको पनि कानुनी व्यवस्था छ । यदी तपाइँ यात्रारत बसमा उक्त सीटको दुरुपयोग भएको छ भने नजिकको प्रहरी अथवा यातायात व्यवस्था विभागमा उजुरी गर्न सकिन्छ ।

    कहाँ / कसरी गर्ने उजुरी 

    सार्वजनिक सवारीका साधनले आरक्षित सीटको प्रयोग कानुन बमोजिम नगरेको भेटिएमा मोबाइल नम्बर ९८५१२७३२२२ मा फोन वा एसएमएस गर्न अथवा नजिकको ट्राफिक प्रहरीलाई तुरुन्त खबर गर्न यातायात व्यवस्था बिभागले अनुरोध गरेको छ ।

     

    प्रतिकृया दिनुहोस्

    भक्तपुरमा सरकारी जग्गा देखाइ बैना लिने २ पक्राउ

    bhaktapurpolice

    अरुको जग्गा मात्र नभई सरकारी जग्गा समेत देखाइ बिक्री गर्न बैना लिएको अभियोगमा दुईजना पक्राउ...

    ४ अग्रज जनपक्षीय पत्रकारहरु पुरस्कृत

    सहिद पत्रकार कृष्ण सेन ‘इच्छुक’ को २० औं स्मृति दिवसका अवसरमा प्रेस सेन्टर नेपाल सम्बद्ध...

    ‘माटो जोगाऔं’ अभियानमा भक्तपुरका मेयर र उपमेयरको ऐक्यवद्धता

    save soil

    ‘माटो जोगाऔं’ भन्ने बिश्वब्यापी अभियानमा भक्तपुर नगरपालिकाका मेयर र उपमेयरले पनि ऐक्यवद्धता जनाएका छन् ।...

    सहकारीहरु मूल्य, मान्यता र सिद्धान्त बाहिर जाँदा समस्या

    shashi

    भूमि व्यवस्था, सहकारी तथा गरिबी निवारण मन्त्री शशी श्रेष्ठले सहकारीहरु मूल्य, मान्यता र सिद्धान्त अनुसार...

    भक्तपुरको धारामा खस्यो मेलम्चीको पानी, स्थानीय दङ्ग

    सुनिल sunil prajapati

    बहुप्रतिक्षित मेलम्ची खानेपानी आयोजनाको पानी भक्तपुरमा प्रवेश भएको छ । बिहीबार मध्याह्न १२ बजेदेखि भक्तपुरबासीहरुको...