News Portal

  • चाँगुनारायणमा नयाँ कलेज सञ्चालन : रोम्बस स्कूलको सफलतापछि अब रोम्बस कलेज पनि

    भक्तपुर, १९ साउन
    ५७० पटक
    भक्तपुर, १९ साउन

    भक्तपुर, १८ साउन । भक्तपुरको चाँगुनारायण नगरपालिकामा नयाँ कलेज सञ्चालनमा आएको छ । चाँगुनारायण- ७ कमलविनायकमा नयाँ कलेज संचालनमा आएको हो ।

    विद्यालय शिक्षाको क्षेत्रमा योगदान गरिरहेका शिक्षाकर्मी मिलेर नयाँ कलेज संचालनमा ल्याएका हुन् ।रोम्बस स्कूलको सफलतापछि ‘रोम्बस नेशनल कलेज’ नामक कलेज शनिवार उद्घाटन गरिएको हो । उक्त कलेजका प्रिन्सिपलमा शिक्षाकर्मी डा. राजेन्द्र कोजू रहेका छन् ।

    शनिवार चाँगुनारायण नगरपालिकाका प्रमुख सोमप्रसाद मिश्र र द्वन्द्व व्यवस्थापनविद् एवं नेपाली सेनाका पूर्व रथी बालानन्द शर्माले संयुक्त रुपमा कलेज उद्घाटन गरेका थिए ।

    कलेज उद्घाटनको कार्यक्रमलाई सम्बोधन गर्दै नगरप्रमुख मिश्र र द्वन्द्व व्यवस्थापनविद् शर्माले कलेजले शिक्षाको गुणस्तर बढाउँन मद्दत गर्नुपर्ने बताउदै सम्पन्नको लागि मात्र नभई विपन्न विद्यार्थीलाई समेत शिक्षाको अवसर दिनुपर्नेमा जोड दिएका थिए ।

    उक्त अवसरमा उनीहरुले भर्ना भएका विद्यार्थीहरुलाई ‘शतप्रतिशत छुट’ को पत्र समेत प्रदान गरेका थिए । कार्यक्रममा उनीहरुले शिक्षा सुधारका लागि थुप्रै सुधार गर्न जरुरी रहेको उल्लेख गरे ।

    यसै शैक्षिक सत्रदेखि स्नातक तहमा बीएसडब्लू र बीबीएसको पठनपाठन गर्ने गरी कलेज सञ्चालनमा ल्याइएको कलेजका प्रिन्सिपल डा. राजेन्द्र कोजूले जानकारी दिए । ‘विद्यार्थीहरुलाई प्रयोगात्मक र व्यवहारिक रुपले शिक्षा दिनका लागि कलेज सञ्चालनमा ल्याएका हौं ।’ उनले भने ।

    कलेज व्यापारिक उदेश्यले नभई सेवाको भावनाबाट संचालनमा ल्याइएको र शिक्षाको विकाशमा यसको ससक्त योगदान रहने प्रिन्सिपल कोजुको दावी रहेको छ ।

    प्रतिकृया दिनुहोस्

    भक्तपुरमा सरकारी जग्गा देखाइ बैना लिने २ पक्राउ

    bhaktapurpolice

    अरुको जग्गा मात्र नभई सरकारी जग्गा समेत देखाइ बिक्री गर्न बैना लिएको अभियोगमा दुईजना पक्राउ...

    ४ अग्रज जनपक्षीय पत्रकारहरु पुरस्कृत

    सहिद पत्रकार कृष्ण सेन ‘इच्छुक’ को २० औं स्मृति दिवसका अवसरमा प्रेस सेन्टर नेपाल सम्बद्ध...

    ‘माटो जोगाऔं’ अभियानमा भक्तपुरका मेयर र उपमेयरको ऐक्यवद्धता

    save soil

    ‘माटो जोगाऔं’ भन्ने बिश्वब्यापी अभियानमा भक्तपुर नगरपालिकाका मेयर र उपमेयरले पनि ऐक्यवद्धता जनाएका छन् ।...

    सहकारीहरु मूल्य, मान्यता र सिद्धान्त बाहिर जाँदा समस्या

    shashi

    भूमि व्यवस्था, सहकारी तथा गरिबी निवारण मन्त्री शशी श्रेष्ठले सहकारीहरु मूल्य, मान्यता र सिद्धान्त अनुसार...

    भक्तपुरको धारामा खस्यो मेलम्चीको पानी, स्थानीय दङ्ग

    सुनिल sunil prajapati

    बहुप्रतिक्षित मेलम्ची खानेपानी आयोजनाको पानी भक्तपुरमा प्रवेश भएको छ । बिहीबार मध्याह्न १२ बजेदेखि भक्तपुरबासीहरुको...