News Portal

  • करको सदुपयोग भए नभएको बारे चासो लिन नगर प्रमुख प्रजापतिको अपिल

    भक्तपुर, २५ साउन
    ८४२ पटक
    भक्तपुर, २५ साउन

    भक्तपुर नगरपालिकाका प्रमुख सुनिल प्रजापतिले सहकारी संस्थाहरूले समयमै कर बुझाउनुपर्ने र करको सदुपयोग भए नभएकोबारे चासो लिनुपर्ने बताएका छन् ।

    शनिवार भक्तपुर जिल्ला बचत तथा ऋण सहकारी संस्था लिमिटेडद्वारा आयोजित ‘सहकारीमा सन्दर्भ ब्याजदर, कोपोमिस र करसम्बन्धी अन्तरक्रिया’ कार्यक्रममा प्रमुख अतिथिको रुपमा उपस्थित प्रमुख प्रजापतिले सदुपयोग भएन भने जनताले तिरेको करको भार लाग्ने भन्दै भक्तपुर नगरपालिकाले करको दुरुपयोग हुन नदिने प्रतिबद्धता प्रकट गरे ।

    भक्तपुर नगरपालिकाले जनताको गुनासोलाई ध्यानमा राखेर कर नीतिमा सुधार गरेको जिकिर गर्दै नगर प्रमुख प्रजापतिले करलाई बोझको रुपमा बुझ्न नहुने बताए ।

    सहकारी संस्थाहरूले आर्थिक विकाशमा योगदान गर्नुपर्नेमा जोड दिंदै उनले पर्यटन क्षेत्रमा लगानी बढाउनुपर्ने समेत बताए ।”पर्यटनसँग सम्बन्धित होटल, पसल र उपहार सामग्रीहरू उत्पादन गर्ने उद्योगहरूमा सहकारी संस्थाहरूले लगानी बढाउनुपर्छ ।” उनले भने ।

    एक फरक प्रसंगमा बोल्दै नगर प्रमुख प्रजापतिले सरकारले ठेकेदारलाई चलाउनुपर्नेमा ठेकेदारहरूले सरकारलाई चलाइराखेको धारणा व्यक्त गरे । नगरकोटको सडक वर्षौं वित्दा पनि निर्माण हुन नसक्नु त्यसैको एक उदाहरण भएको उनको भनाइ छ ।

    कार्यक्रममा आन्तरिक राजस्व कार्यालय भक्तपुरका प्रमुख सूर्यप्रसाद पोखरेलले सहकारी र करको वबर्तमान अवस्थाबारे अर्थ्याएका थिए । उक्त अन्तरक्रिया कार्यक्रममा वडा नम्बर २ का वडाध्यक्ष हरिप्रसाद बासुकलाले भक्तपुर नगरपालिको सहकारी ऐनबारे जानकारी गराएका थिए भने भक्तपुर नगरपालिकाको सहकारी समन्वय उप–समितिका संयोजक जगन्नाथ प्रजापतिले एक व्यक्ति एक सहकारी मान्य नहुने बताए ।

    भक्तपुर जिल्ला बचत तथा ऋण सहकारी संघका अध्यक्ष कृष्णगोविन्द लाखाजुको सभापतित्वमा भएको उक्त कार्यक्रममा संघका उपाध्यक्ष हरि बल्ल लगायत विभिन्न सहकारीका प्रतिनिधिहरुले आफ्ना धारणा राखेका थिए ।

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...