News Portal

  • महानगरीय प्रहरी परिसर भक्तपुरमा इन्स्पेक्टरको कार्यकक्षमै पुगेर घुस दिने श्रेष्ठ समातिए

    भक्तपुर, ५ भदौ
    १४१७ पटक
    भक्तपुर, ५ भदौ

    जुवातासको अखडामा प्रहरीले छापा मारी धमाधम पक्राउ गर्न थालेपछि त्यसो नगर्न भन्दै घुस दिन खोज्ने एकजना पक्राउ परेका छन् । प्रहरी कार्यालयमै पुगेर घुस प्रस्ताव गर्ने व्यक्तिलाई प्रहरीले पक्राउ गरेको हो ।

    पक्राउ पर्नेमा सिन्धुपाल्चोकको चौतारा स्थायी घर भई हाल भक्तपुरको भक्तपुर नगरपालिका- १ सल्लाघारी बस्ने ५६ वर्षिय गंगालाल श्रेष्‍ठ रहेको महानगरीय प्रहरी परिसर भक्तपुरले जनाएको छ ।

    विहीवार श्रेष्ठले परिसरमा कार्यरत प्रहरी निरीक्षक कृष्ण प्रसाद बिष्‍टको कार्यकक्षमै पुगेर जुवा खेलाउन दिनुपर्‍यो भनि घुस रकम दिएको परिसरका सूचना अधिकारीसमेत रहेका डीएसपी रेवती रमण पोखरेलले पुष्टि गरे । उनका अनुसार नगद रु. ४० हजार दिएको अवस्थामा प्रहरी निरीक्षकले जानकारी गराएपछि श्रेष्ठ समातिएका हुन् ।

    घुस दिने गंगालाल श्रेष्‍ठलाई उनले दिएको घुस रकम सहित अख्तियार दुरुपयोग अनुसन्धान आयोगलाई बुझाइएको डीएसपी पोखरेलले जानकारी गराए । यस सम्बन्धमा अख्तियार दुरुपयोग अनुसन्धान आयोगबाट थप अनुसन्धान कार्य भैरहेको जानकारी प्राप्त भएको छ ।

    जुवातास खेलाउने श्रेष्ठले प्रहरीले घुस लिने आसंका मात्र गरेका हुन् अथवा यस अघिका अधिकारीहरुलाई घुस दिएर जुवातास खेलाउने अनुमति लिने गरेका थिए त्यसकोसमेत अख्तियारले अनुसन्धान गरिरहेको बताइएको छ ।

    गत असार ७ गते श्रेष्ठ सहितको टोली जुवा तास खेलिरहेको अवस्थामा सल्लाघारीबाट समातिएका थिए । त्यसमध्ये श्रेष्ठले मानिस बोलाइ जुवा तास खेलाउने गरेको खुल्न आएको थियो । प्रहरीले कानुनी कारवाही गरेर छुटे पश्चात सहज बातावरण बनाइदिन उनले उक्त घुस प्रस्ताव गरेको प्रहरीको भनाइ छ ।

    प्रतिकृया दिनुहोस्

    मोटरसाइकल ठोक्किँदा दुई जनाको मृत्यु

    झापाको मेचीनगर नगरपालिका पिपलडाँगीमा गएराति मोटरसाइकल ठोक्किँदा दुई जना चालकको ज्यान गएको छ । दुर्घटनामा...

    राष्ट्रपतिको कदमप्रतिगमनको नयाँ स्वरुपः प्रचण्ड

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले नागरिकता विधेयक प्रमाणीकरण नगर्ने राष्ट्रपति विद्यादेवी भण्डारीको...

    एकथरी मान्छेहरु प्रचण्ड सिद्धियोस् भनेर रातदिन धुप हाल्छन्ः प्रचण्ड

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले एकथरी मान्छेहरुले प्रचण्ड सिद्धियोस् भनेर रातदिन बसेर धुप...

    सिट बाँडफाँटको विषयमा प्रचण्ड, माधव नेपाल र उपेन्द्र यादवबीच छलफल

    सत्ता गठबन्धनमा सिट बाँडफाँटको विषयमा नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका...

    सशस्त्र प्रहरी बलको निरीक्षकसहितका पदमा दरखास्त आह्वान

    सशस्त्र प्रहरी बलले निरीक्षकसहितका पदमा आवेदन आह्वान गरेको छ । रिक्त पदपूर्तिका लागि सशस्त्र प्रहरी...