भक्तपुर, १४ भदौ काठमाडौं, १४ भदौ । विद्रोही पार्टी ‘विप्लव’ नेतृत्वको नेपाल कम्युनिष्ट पार्टीले सर्बोच्च अदालतका केही न्यायाधिसहरु भ्रष्ट भएको भन्दै उनीहरुको पुत्ला दहन गर्ने कार्यक्रम सार्वजनिक गरेको छ ।एनसेल कर असुलीबारे सर्वाेच्च अदालतले गरेको निर्णयप्रति आपत्ति प्रकट गर्दै उक्त पार्टीले न्यायाधिसहरुको पुत्ला दहन कार्यक्रम सार्वजनिक गरेको हो ।
शनिवार एक विज्ञप्ति जारी गर्दै विद्रोही नेकपाले अदालतको यो आदेशका विरुद्ध भदौ १७ गते न्यायाधीसहरुको पुत्ला दहन, १९ गते देशभर मसाल जुलुस, २१ गते एनसेल कार्यालयहरुमा विरोध प्रदर्शन, २३ गते एनसेल कार्यालयमा तालाबन्दी र २६ गते भ्रष्टाचारीहरुको पुत्लामा कालोमोसो दल्ने कार्यक्रम तय गरिएको जनाएको छ ।
विद्रोही नेकपाका महासचिव विप्लवले आफ्नो पार्टीले सर्वोच्चको निर्णय खारेज गर्ने समेत दावी गरेका छन् । त्यतिमात्र होइन, अदालतको यो निर्णयपछि आफ्नो पार्टी एनसेललाई नेपालबाट नै खारेज गर्नुपर्ने निस्कर्षमा पुग्न लागेको विप्लवले विज्ञप्तिमा उल्लेख गरेका छन् ।
पछिल्लो समय एनसेलका टावरहरुमा भौतिक आक्रमण गर्दै आइरहेको उक्त पार्टीले एनसेल कर असुलीबारे सर्वोच्च अदालतले भदौ १० गते गरेको फैसलाको बिरुद्धमा बिज्ञप्ती मार्फत विरोधका कार्यक्रम सार्वजनिक गरेको हो ।
हेर्नुस विज्ञप्ति
