News Portal

  • नेपाल बैंक लिमिटेडले माग्यो ५ सय बढी कर्मचारी : यहिँबाट दिनुस् आवेदन

    भक्तपुर, ३१ भदौ
    ९६४ पटक
    भक्तपुर, ३१ भदौ

    नेपाल बैंक लिमिटेडले ठूलो संख्यामा कर्मचारी माग गरेको छ । लोकसेवा आयोगको सहमति लिएर विभिन्न पदमा बैंकले विज्ञापन गरेको हो ।

    सोमबार विज्ञापन सार्वजनिक गर्दै काठमाडौ स्थित नेपाल बैंक लिमिटेडको प्रधान कार्यालयले सहायक प्रवन्धकदेखि कनिष्ठ सहायकसम्मका ५६४ जनाको माग गरेको छ । प्लस टु पास गरेकादेखि स्नातकोत्तर उत्तीर्ण गरेकाहरुले यी पदहरुमा दरखास्त दिन सक्नेछन् । सार्वजनिक गरिएको विज्ञापन अनुसार प्रदेश नम्बर ३ का लागि सबैभन्दा बढी संख्या माग गरिएको छ ।

    सोमबारदेखि असोज १९ गतेसम्म्म दरखास्त फाराम भर्न सकिने बैंकले जनाएको छ । बैंकले सबै फाराम स्क्यान गरेर अनलाइनबाट मात्र भर्न मिल्ने जनाएको छ । फोटो र तोकिएको प्रमाणपत्रहरु पनि स्क्यान गरेरै अनलाइनमार्फत हाल्नुपर्ने बैंकले जानकारी गराएको छ ।

    बैंकले जारी गरेको सूचनामा भनिएको छ, “श्री लोकसेवा आयोगको सहमति अनुसार यस बैंकको आ.व.२०७६/७७ को स्वीकृत दरबन्दीका आधारमा रिक्त रहेका निम्न पदहरुमा खुला प्रतियोगिताद्वारा स्थायी पदपूर्ति गर्नुपर्ने भएकोले योग्य नेपाली नागरिकहरुबाट मिति २०७६/०५/३० देखि अनलाइन दरखास्त फारम भर्न आह्वान गरिएको छ । बैंकले तोकेको अनलाइन फाराममा भर्नुपर्ने सम्पूर्ण विवरणहरु भरी सोको साथ नागरिकता र दरखास्त दिने पदको लागि तोकिएको न्युनतम शैक्षिक योग्यताको ट्रान्सकृप्ट, चारित्रिक प्रमाणपत्र तथा नेपाल बाहेक अन्य मुलुकबाट हासिल गरेको शैक्षिक योग्यता भएमा सो को साथमा त्रिभुवन विश्वविद्यालयबाट समकक्षता निर्धारण गरेको प्रमाणपत्र, समावेशी समूहका लागि तोकिएको प्रमाणपत्र, अनुभव चाहिने पदका लागि तोकिएको अनुभवको प्रमाणपत्र र हालसालै खिचेको पासपोर्ट साइजको फोटो Scan/Attach गरी तोकिएको शुल्क तिरी मिति २०७६/०६/१९ सम्म अनलाइन दरखास्त पेश गर्नुपर्नेछ । म्याद भित्र दाखिल नभएको र रीत नपुगी आएका दरखास्त उपर कुनै किसिमको कारबाही हुने छैन । झुट्टा विवरण उल्लेख गरी अनलाइन दरखास्त फाराम भरेमा सोको जवाफदेही उम्मेदवार स्वयं हुनुपर्नेछ ।”

    अनलाइन दरखास्त भर्न यहाँ क्लिक गर्नुस्

    सिलेबसको लागि यहाँ क्लिक गर्नुस्

    यस्तो छ नेपाल बैंक लिमिटेडको विज्ञापन सूचना

    प्रतिकृया दिनुहोस्

    सूर्यविनायकमा राष्ट्रिय परिचयपत्रबारे सिकाउँदै सिडिओ कार्यालय

    राष्ट्रिय परिचयपत्रका लागि विवरण भर्ने सम्बन्धमा सूर्यविनायक नगरपालिकामा अभिमुखीकरण कार्यक्रम सम्पन्न भएको छ । जिल्ला...

    अस्पतालमै एमालेको वडाअधिवेशन, बिरामी त्रसित

    काठमाडौं। नेकपा एमालेले विरामीलाई नै त्रसित पार्नेगरी अस्पतालमै वडा अधिवेशन सम्पन्न गरेको छ। काठमाडौं तारकेश्वर...

    एउटै ब्यक्ति कांग्रेस र एमाले दुबै पार्टीको वडा नेतामा निर्वाचित

    दार्चुला । दार्चुलामा कांग्रेसको अधिवेशनबाट वडा उपसभापतिमा चयन भएका एक जना एमालेको वडा सचिवमा चयन...

    भक्तपुरको एमाले वडा अधिवेशन : धेरैमा सर्वसम्मत, मध्यपुरमा बिबाद मथ्थर तर बन्द सत्र बाँकी

    नेपाल कम्युनिष्ट पार्टी (एमाले)ले शनिबार देशभर वडा अधिवेशन सम्पन्न गरेको छ । यसैबीच भक्तपुर जिल्लामा...

    नेपाली बक्सिङ्ग टोली सर्विया प्रस्थान

    ‘आईबा वल्ड बक्सिङ च्याम्पियनसिप’मा सहभागी हुन नेपाली बक्सिङ्ग टोली सर्विया प्रस्थान गरेको छ । अन्तर्राष्ट्रिय...