News Portal

  • नेपाल क्रान्तिकारी डकर्मी संघको भक्तपुर सम्मेलन शुरु

    भक्तपुर, १ असोज
    ९०३ पटक
    भक्तपुर, १ असोज

    नेपाल मजदुर किसान पार्टीको सातौ महाधिवेशनको पूर्वसन्ध्यामा उक्त पार्टी निकट नेपाल क्रान्तिकारी डकर्मी संघको तेस्रो भक्तपुर जिल्ला सम्मेलन शुरु भएको छ ।

    बुधबार नेपाल मजदुर किसान पार्टीका अध्यक्ष नारायणमान बिजुक्छेँ (रोहित) ले नेपाल क्रान्तिकारी डकर्मी संघको तेस्रो भक्तपुर जिल्ला सम्मेलन उद्घाटन गरे ।

    भक्तपुरको सल्लाघारीमा सम्मेलन उद्घाटन गर्दै अध्यक्ष बिजुक्छेँले मजदुर बर्गको हित नभई राज्य समृद्ध हुन नसक्ने जिकिर गरे । उनले समाजमा डकर्मीको योगदान उच्च रहेको बताउदै सीप र प्रविधिहरू नयाँ पुस्तामा पुस्तान्तरण गरी कला–संस्कृतिको संरक्षण गर्नुपर्नेमा जोड दिए । कालिगढहरूले नयाँ नयाँ प्रविधि र निर्माणबारे पनि सिकेर पूर्ण बन्न प्रयास गरिरहनु पर्ने पनि उनको भनाइ छ ।

    भक्तपुरको मूर्त–अमूर्त कला र संस्कृतिका कारण भक्तपुर घुम्ने आन्तरिक तथा बाह्य पर्यटकहरूको संख्या बढिरहेकोमा खुशी व्यक्त गर्दै अध्यक्ष बिजुक्छेंले यसमा डकर्मीहरुको समेत उल्लेख्य योगदान रहेको बताए ।

    डकर्मीहरूको पेशा चुनौतीपूर्ण रहेकोप्रति चिन्ता व्यक्त गर्दै उनले जीवन सुरक्षाको निम्ति डकर्मीहरूलाई प्रशिक्षित गर्नुपर्ने र बीमा लगायतको व्यवस्था गरी कामको सिलसिलामा उनीहरुको जीवन सुरक्षाको जिम्मा लिइनुपर्ने आवश्यकता औंल्याए ।

    कार्यक्रममा नेमकिपाका केन्द्रीय सदस्य तथा भक्तपुर नगरपालिका प्रमुख सुनिल प्रजापतिले भवन निर्माण र अन्य व्यापारका कामहरूमा भारतीय कामदार र लगानीकर्ताको संलग्नता बढिरहेको उल्लेख गर्दै नेपाली कामदारहरू बिस्तारै बिस्थापित हुने खतरा बढेको बताए ।

    आर्थिक अनियमितता तथा भ्रष्टाचारका कारण ठेकेदारहरू बद्नाम बनिरहेको तर्फ इङ्कित् गर्दै प्रमुख प्रजापतिले भक्तपुरमा भइरहेका विकास निर्माण तथा सांस्कृतिक सम्पदा पुनःनिर्माण उपभोक्ता समितिमार्फत् गुणस्तरीय ढंगले अगाडि बढिरहेको जिकिर गरे ।

    उक्त अवसरमा नेपाल क्रान्तिकारी मजदुर संघ भक्तपुर जिल्लाका अध्यक्ष उपेन्द्र सुवाल,नेपाल क्रान्तिकारी डकर्मी संघका अध्यक्ष विष्णुराम दुमरु,भक्तपुर सिकर्मी संघका अध्यक्ष विक्रम ढुकुछु, नेपाल क्रान्तिकारी डकर्मी संघका उपाध्यक्ष विक्रम कासिछ्वा, नेपाल क्रान्तिकारी मजदुर संघका शिव सितिखु र नेपाल डकर्मी संघका सूर्यनारायण फाँजू लगायतले मजदुर बर्गको वर्तमान अवस्था र संगठनको औचित्वमाथि प्रकाश पारेका थिए ।

    प्रतिकृया दिनुहोस्

    आईपीएल अक्सनमा नेपालका १५ खेलाडी

    इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा...

    मौसमीफ्लू कि कोभिड कसरी थाहा पाउने

    कोभिड महामारीकाबीच मौसममा देखिएको प्रभावका कारण कोभिडजस्तै लक्षण भएका मानिसहरूको सङ्ख्यामा वृद्धि देखिएको चिकित्सकहरूले बताएका...

    रहेनन् पूर्व सांसद एवं साल्ट ट्रेडिङका अध्यक्ष मानन्धर

    साल्ट ट्रेडिङ कर्पोरेसनका अध्यक्ष एवम् नेपालका चर्चित उद्योगी लक्ष्मीदास मानन्धरको निधन भएको छ । पछिल्लो समय...

    जोरबिजोर नियम अनुसार सवारी चलाउन सिडिओ शर्माको आदेश

    rudra sharma

    काठमाडौँ उपत्यकाभित्र चल्ने यातायातमा जोरबिजोर प्रणाली लागू गरिएको छ । कोभिड नियन्त्रणका लागि भन्दै प्रमुख...

    समाजवादी प्रेस संगठन भक्तपुरको अध्यक्षमा कार्की, सचिवमा चौलागाईं

    नेपाल कम्युनिष्ट पार्टी (एकीकृत समाजवादी) निकट समाजवादी प्रेस संगठन नेपाल भक्तपुरको नेतृत्वमा पत्रकार दिनेश कार्की...