News Portal

  • शिक्षक लाइसेन्स परीक्षाको परीक्षा केन्द्र तोकियो : भक्तपुरका सबै ललितपुरको पुल्चोक पुगे

    बाबुराम दाहाल/भक्तपुर पोस्ट भक्तपुर, ६ असोज
    १०८४ पटक
    भक्तपुर, ६ असोज

    शिक्षक सेवा आयोगले अध्यापन अनुमति पत्र ( शिक्षक लाइसेन्स) परीक्षाको परीक्षा केन्द्र सार्वजनिक गरेको छ । प्रावि तहको परीक्षार्थीहरुका लागि आयोगले परीक्षा समय र परीक्षा केन्द्र सार्वजनिक गरेको हो ।

    असोज-९ गते हुने उक्त परीक्षाको लागि परीक्षार्थीहरुले आफै बसेको स्थानबाट प्रवेशपत्र प्रिन्ट समेत गरिसकेका छन् ।

    भक्तपुरबाट परीक्षा फारम भरेका परीक्षार्थीहरुलाई यसपटक भने जिल्ला बाहिर परीक्षा दिन जानुपर्ने भएको छ । भक्तपुरका परीक्षार्थीहरुलाई आयोगले ललितपुर केन्द्र तोकिदिएपछि उनीहरु जिल्लामै परीक्षा दिने अवसरबाट बन्चित बनेका छन् ।

    प्राथमिक तहका लागि शिक्षक अध्यापन अनुमति पत्रको परीक्षा फारम भरेका सबै परीक्षार्थीहरुको परीक्षा केन्द्र ललितपुरको पुल्चोकस्थित त्रि पद्म विद्याश्रम माविमा परेको छ । उक्त केन्द्रमा भक्तपुरको मात्र नभई ललितपुर , रसुवा र नुवाकोटको समेत परीक्षा केन्द्र कायम गरिएको छ । परीक्षा बिहान ८ बजेदेखि शुरु हुने बताइएको छ ।

    शिक्षा विकाश तथा समन्वय इकाई भक्तपुरका शाखा अधिकृत खुलानाथ गौतमले भक्तपुरबाट २ सय ८७ जना परीक्षार्थीले प्रावि तहको लाइसेन्स परीक्षाको फारम भरेको बताए । कम संख्या भएका कारण जिल्लामा केन्द्र नपारिएको हुनसक्ने उनको भनाइ छ ।

    भोलिसम्ममा निमावि र मावि तहको परीक्षा केन्द्र पनि सार्वजनिक हुनसक्ने शिक्षक सेवा आयोग श्रोतले बताएको छ ।

    शिक्षक सेवा आयोगले गएको असार २ गते शिक्षक लाइसेन्स परीक्षाको सूचना प्रकाशन गरेको थियो । आयोगले प्रावि, निमावि र माविको विभिन्न पाँच किसिमको विज्ञापन खुलाएको थियो । आयोगले माध्यमिक तहको विभिन्न् तीन, निमाविको एक र प्राविको एक गरी विभिन्न पाँच किसिमको विज्ञापन गरेको हो ।

    आयोगका अनुसार २ लाख ५० हजार बढीले लाइसेन्स परीक्षाका लागि आवेदन दिएका छन् । जसमा सबैभन्दा बढी निमावि तहको नेपाली विषयका लागि ५० हजार बढी आवेदन परेको छ । यस्तै कानून, इञ्जिनियरिङलगायतका प्राविधिक विषयमा सबैभन्दा कम आवेदन परेको छ ।

    हेर्नुहोस लाइसेन्स परीक्षाका लागि निर्धारण गरिएका केन्द्रहरुको सूची

    प्रतिकृया दिनुहोस्

    भक्तपुरका घिमिरे सहसचिवमा सिफारिस

    निराजन nirajan ghimire

    भक्तपुर घर भएका उपसचिव निराजन घिमिरे सहसचिवमा बढुवा सिफारिस भएका छन् । सूर्यविनायक नगरपालिका वडा...

    धन र डनको राजनीति गर्नेलाई लखेट्न प्रचण्ड निर्देशनपछि महेश बस्नेत आक्रोशित

    राष्ट्रिय युवा संघ नेपालका इन्चार्ज समेत रहेका नेकपा (एमाले) का नेता एवं सांसद महेश बस्नेत...

    भक्तपुरका गैरसरकारी संस्थाले समेत ‘सूचना अधिकारी’ तोक्नुपर्ने

    CDO rudra sharma

    भक्तपुरकी प्रमुख जिल्ला अधिकारी रुद्रादेवी शर्माले जिल्लास्थित गैरसरकारी कार्यालयहरुको सूचना सस्प्रेषणमा कडाइ गरेकी छन् ।...

    १६ मन्त्री र २ राज्यमन्त्रीले लिए शपथ,उत्साह र इमानदारिताका साथ काम गर्न निर्देशन

    शेरबहादुर देउवा नेतृत्वको मन्त्रिपरिषदमा नवनियुक्त १६ मन्त्री र २ राज्यमन्त्रीले शुक्रबार पद तथा गोपनीयताको शपथ...

    भक्तपुरमा प्रचण्डले भने – ‘धन र डनको आडमा माओवादीलाई कमजोर पार्ने नसोचे हुन्छ’

    पूर्व प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आफ्नो पार्टी धन र डन...