News Portal

  • सल्लाघारीस्थित १०८ रोपनी चौरमा भौतिक संरचना नबनाउन उपप्रधानमन्त्री पोखरेलको निर्देशन

    भक्तपुर, १० असोज
    २२९८ पटक
    भक्तपुर, १० असोज

    भक्तपुर नगरपालिका वडा नम्बर १ को सल्लाघारीस्थित १०८ रोपनी चौर उपयोगको विषयमा सरकारका उपप्रधान एवं रक्षामन्त्री इश्वर पोखरेलले निर्देशन दिएका छन् । नेपाल ट्रस्टको स्वामित्वमा रहेको उक्त १०८ रोपनी चौरमा कुनै भौतिक संरचना नबनाउन सो संस्थाका अध्यक्षसमेत रहेका उपप्रधान एवं रक्षा मन्त्री इश्वर पोखरेलले निर्देशन दिएका हुन् ।

    शुक्रवार उक्त चौरको स्थलगत अवलोकन गर्दै मन्त्री पोखरेलले प्राकृतिक प्रकोपको बेलामा खुला चौरहरु आवश्यक पर्ने भन्दै कुनै भौतिक संरचना नबनाउन नेपाल ट्रस्ट र भक्तपुर नगरपालिकालाई निर्देशन दिए । ”यसलाई नमासी प्राकृतिक प्रकोप पर्दा आश्रय लिने ठाउको रूपमा संरक्षण गर्नुपर्दछ ।” पोखरेलले भने ।

    भक्तपुर नगरपालिका वडा नम्बर १ का वडा अध्यक्ष श्याम कृष्ण खत्रीले भक्तपुर पोस्टलाई बताए अनुसार उक्त खुला चौरमा भक्तपुर नगरपालिकाले आफ्नो स्थानीय बजेटबाट करीब १ करोड खर्च गरी पर्खाल लगाएको छ । वडा अध्यक्ष खत्रीका अनुसार चौर संरक्षणमा थप ५० लाख समेत छुट्याइएको छ ।

    नेपाल ट्रस्टको स्वामित्वमा रहेको उक्त १०८ रोपनी चौरमा नगरपालिकाले आफ्नै लगानीमा पर्खाल लगाएको भए पनि चौर  नगरपालिकाले लिन खोजेको भन्दै त्यसको बिरोधमा केहि नेताहरुले बेलाबखत कुरा उठाउदै आएका छन् ।  भक्तपुर नगरपालिका नेपाल मजदुर किसान पार्टीको पकडमा रहेको नगरपालिका हो । यहाँ अन्य कुनै पनि दलका प्रतिनिधि निर्वाचित छैनन् ।

    भक्तपुर निर्वाचन क्षेत्र नम्बर २ का निर्वाचित सांसद महेश बस्नेतले भक्तपुर नगरपालिकाले खुला चौरमा पर्खाल लगाउनु गैरकानुनी भएको सार्वजनिकरुपमै आरोप लगाउदै आएका छन् । नगरपालिकाले नेपाल ट्रष्टको जग्गा अनाधिकृत प्रयोग गरिरहेको नेकपाका केन्द्रीय सदस्य समेत रहेका सांसद बस्नेतको आरोप छ ।

    शुक्रवार नेपाल ट्रष्टका अध्यक्षसमेत रहेका उपप्रधान एवं रक्षा मन्त्री इश्वर पोखरेलसंग सांसद बस्नेत पनि चौर अवलोकनमा सहभागी भएका थिए । उक्त अवसरमा भक्तपुर नगरपालिकाका प्रमुख सुनिल प्रजापति पनि अवलोकनमा सहभागी भएका थिए ।

    चौरलाई संरक्षण गर्न र त्याहाँ हुने बिभिन्न अबैध क्रियाकलापलाई रोक्न नगरपालिकाले पर्खाल लगाउनुपरेको नेमकिपाका केन्द्रीय सदस्य समेत रहेका प्रमुख प्रजापतिले जानकारी गराए । उनले चौर नगर क्षेत्रमा परेकोले स्थानीय जनताको अधिकतम हितमा यसलाई प्रयोग गर्न नगरपालिका सचेत रहेको बताएका थिए ।

    जनप्रतिनिधिहरु, बिभिन्न राजतीतिक दलका स्थानीय नेताहरु, स्थानीय बुद्धिजिवीहरु, प्रमुख जिल्ला अधिकारी, जिल्ला प्रहरी प्रमुख
    लगायतको समेत उपस्थिति रहेको उक्त अवसरमा मन्त्रीको रोहबरमा आगामी दिनमा चौरको भाडा नेपाल ट्रष्टले उठाउने र कर भक्तपुर नगरपालिकाले लिने सहमति समेत बनेको बताइएको छ ।

    भक्तपुर पोस्टको फेसबुक पेज लाइक गरी फेसबुकमै समाचार प्राप्त गर्न सकिन्छ ।
    पेज लाइक गर्न यहाँ क्लिक गर्नुस्

    प्रतिकृया दिनुहोस्

    आगलागीबाट तीन लाखको क्षति

    तनहुँको व्यास नगरपालिका–२ भोर्लेटार चोकस्थित अम्बिका पन्थका घरमा गए राति आगलागी हुँदा करिब रु तीन...

    बलात्कार आरोप लागेको दुई कराँते प्रशिक्षकविरुद्ध मुद्दा दर्ता

    एक किशोरीमाथि बलात्कार गरेको आरोपमा पक्राउ परेका विराटनगरका दुई कराँते प्रशिक्षकविरुद्ध बलात्कार मुद्दा दर्ता गरिएको...

    रामेछापमा बाढीले ५ घर बगायो

    रामेछापको गोकुलगङ्गा गाउँपालिका–२ ठोसेमा बाढीले पाँच घर बगाएको छ । हिजो दिनभरि परेको पानीका कारण...

    फेरि पनि पदाधिकारी टुंग्गो लगाउन माओवादी असफल

    नेकपा माओवादी केन्द्रले फेरि पनि पदाधिकारी टुंग्गो लगाउन असफल भएको छ । शुक्रवार विहान पार्टी...

    धनकुटामा रुखले किचेर एक युवकको मृत्यु

    धनकुटाको छथर जोरपाटी गाउँपालिका ६ राईटोलमा रुखले किचेर एक युवकको मृत्यु भएको छ। छथर जोरपाटी...