News Portal

  • रुसको डर्बेन्ट शहर र भक्तपुरबीच भगिनी सम्वन्ध स्थापना गर्ने प्रस्ताव

    भक्तपुर, २ मङ्सिर
    ९७७ पटक
    भक्तपुर, २ मङ्सिर

    संसारको सबैभन्दा ठूलो राष्ट्र रुसको डर्बेन्ट शहरले भक्तपुर नगरसँग भगिनी सम्वन्ध स्थापना गर्ने इच्छा देखाएको छ । डर्बेन्ट शहरका प्रतिनिधि मण्डलले औपचारिकरुपमा उक्त इच्छा व्यक्त गरेको हो ।

    सोमवार भक्तपुर नगरपालिकाका प्रमुख सुनिल प्रजापतिसँग भेटवार्ता गर्न आइपुगेको डर्बेन्ट शहर र रुसी सास्कृतिक सस्थान(रसियन कल्चर सेन्टर)का प्रतिनिधि मण्डलले डर्बेन्ट शहर भक्तपुर जस्तै ऐतिहासिक र पुरातात्विक शहर भएको भन्दै भगिनी सम्वन्ध स्थापना गर्ने इच्छा व्यक्त गरेका नगरप्रमुखकी प्रेस संयोजक कीर्तिका प्रजापतिले बताइन ।

    भेटमा प्रमुख प्रजापतिले भक्तपुर नगर आठौं शताब्दीमा स्थापित ऐतिहासिक एवं साँस्कृतिक महत्व बोकेको नाचगानको राजधानी र सम्पदाको नगरको रुपमा परिचित भएको जानकारी गराउदै १२–१५ औं शताब्दीसम्म नेपाल मण्डलको राजधानीको रुपमा रही १८ औं शताब्दीमा छुट्टै राज्यको रुपमा रहेको जानकारी गराएका थिए ।

    जीवित संग्रहालयको रुपमा रहेको भक्तपुर सन् १७७९ मा विश्व सम्पदा सूचीमा सूचिकृत भएको बताउदै प्रमुख प्रजापतिले एतिहासिक कला र सस्कृतीको संरक्षणमा नगरपालिकाले गरेका गतिविधिबारे जानकारी गराएका थिए। उनले उक्त अवसरमा भक्तपुर नगरपालिकाले इन्जिनियरिङ्ग कलेजसहित ७ वटा शैक्षिक संस्थाहरु सञ्चालन गरी शिक्षा, स्वास्थ्य लगायतका क्षेत्रमा गरिरहेको प्रगतीबारे प्रस्ट पारेका थिए । प्रतिनिधि मण्डलको भगिनी सम्वन्ध स्थापनाको इच्छालाई आफूले सकारात्मकरुपमा लिएको उनको भनाइ थियो ।

    भेटमा प्रमुख प्रजापतिले प्रतिनिधि मण्डललाई भादगाउँले टोपी र मयुर झ्याल उपहार दिएका थिए । भेटपछि प्रतिनिधि मण्डलले भक्तपुरका विभिन्न ऐतिहासिक र पुरातात्विक सम्पदा स्थलहरुको अवलोकन समेत गरेको थियो ।

    प्रतिकृया दिनुहोस्

    काँग्रेसले स्थानीय जनप्रतिनिधिहरुको नियमित परीक्षा लिने गगन थापाको खुलासा

    gagan thapa

    नेपाली काँग्रेसका महासचिव गगनकुमार थापाले स्थानीय तहमा काँग्रेसबाट निर्वाचित जनप्रतिनिधिहरुको परीक्षा लिइने खुलासा गरेका छन्...

    दिनभरी काँग्रेस र रातभरी एमाले हुने अन्तर्घातीलाई माफी हुँदैन : दुर्लभ थापा

    durlove

    नेपाली काँग्रेस भक्तपुरका सभापति दुर्लभ थापाले स्थानीय निर्वाचनमा अन्तर्घात गर्ने पार्टीका नेता कार्यकर्तालाई आममाफी नहुने...

    खानेपानी सचिवमा गेलालको सरुवा : खानेपानीको समस्याबाट गुज्रिरहेका भक्तपुरबासी उत्साहित

    maniram gelal

    सरकारले ४ जना सचिव सरुवा गरेसंगै भक्तपुरको चाँगुनारायण नगरबासी मणिराम गेलालको खानेपानी मन्त्रालयमा सरुवा भएको...

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...