News Portal

  • उपनिर्वाचनका लागि शुक्रवार मध्यरातदेखि नै सवारीसाधन प्रवेश निषेध : हेर्नुस निषेधित क्षेत्र

    निशा कुस्मा / भक्तपुर पोस्ट भक्तपुर, १३ मङ्सिर
    १३०१ पटक
    भक्तपुर, १३ मङ्सिर

    जिल्ला प्रशासन कार्यालय भक्तपुरले शनिवार हुने उपनिर्वाचनका लागि भक्तपुरमा सवारी साधन प्रवेशमा रोक लगाएको छ । शान्ति सुरक्षालाई मध्यनजर गर्दै उपनिर्वाचन हुने भक्तपुरको निर्वाचन क्षेत्र नम्बर १ अन्तर्गत प्रदेश क्षेत्र नम्बर १ मा सवारी साधन प्रवेशमा रोक लगाइएको हो ।

    शुक्रवार एक सूचना जारी गर्दै जिल्ला प्रशासन कार्यालय भक्तपुरले शनिवार हुने भक्तपुर निर्वाचन क्षेत्र नम्बर १ (१) को उपनिर्वाचनमा शान्ति सुरक्षाको लागि सवारी आवागमनमा रोक लगाइएको जनाएको हो ।

    शुक्रवार राती १२ बजेदेखि शनिवार बेलुकी ९ बजेसम्म सवारी आवागमनमा रोक लगाइएको जिप्रकाको भनाइ छ । तर एम्बुलेन्स, शव बाहन, दमकल र निर्वाचन आयोगका सम्बन्धित अधिकृतबाट स्वीकृत सवारी पास प्राप्‍त गरेका सवारी साधनलाई भने प्रवेशको व्यवस्था मिलाइएको बताइएको छ ।

    जिल्ला प्रशासन कार्यालय, भक्तपुरले जनाए अनुसार सवारी आवागमनमा रोक लगाईएका स्थान र नाकाहरु निम्नबमोजिम रहेका छन् :

    १ . अरनिको राजमार्गको साँगा देखी राधेराधे सम्मको सडक खण्डबाट उत्तर तर्फ जाने
    सम्पुर्ण सवारी साधनहरु प्रवेशमा रोक लगाइएको छ ।
    २ . राधेराधे चोकबाट निकोशेरा चोक सम्मका सडक खण्डबाट पुर्व तर्फ जाने सम्पुर्ण
    सवारी साधनहरु प्रवेशमा रोक लगाइएको छ ।
    ३ . पेप्सीकोला मनोहरा देखी निकोशेरा सडक खण्डबाट उत्तर तर्फ जाने सम्पुर्ण सवारी
    साधनहरु प्रवेशमा रोक लगाइएको छ ।
    ४ . काठमाण्डौबाट भक्तपुर आउने पेप्सीकोला मनोहरा र जडिबुटी मनोहरा नाका
    बाहेकका सम्पुर्ण नाकाहरुबाट सवारी साधनहरु प्रवेशमा रोक लगाइएको छ ।
    ५ . काभ्रेबाट भक्तपुर आउने साँगा नाका बाहेकका सम्पुर्ण नाकाहरुबाट सवारी साधनहरु
    प्रवेशमा रोक लगाइएको छ ।

    करिव ४५ हजार मतदाता रहेको भक्तपुर १(१)निर्वाचन क्षेत्र अन्तर्गत चाँगुनारायण नगरपालिकाका सबै वडा र भक्तपुर नगरपालिकाको वडा नम्बर १० पर्दछ । शनिवार हुने उपनिर्वाचनमा यहाँ २२ मतदान स्थल र ५४ मतदान केन्द्र रहेका छन् । प्रदेश सभा सदस्य पदका लागि हुने उक्त उपनिर्वाचनमा ९ दल र १० स्वतन्त्र गरी १९ उम्मेदवार रहेका छन् ।

    उपनिर्वाचनका लागि नेपाल प्रहरी, ससस्त्र प्रहरी र सेना सहित ब्यापक मात्रामा गुप्तचर पनि तैनाथ गरिएकोले निर्धक्क भै मतदानलाई उत्सवको रुपमा लिएर सहभागी बन्न भक्तपुरका प्रमुख जिल्ला अधिकारी नारायणप्रसाद भट्टले आह्वान समेत गरेका छन् । शान्ति सुरक्षाको विषयमा जानकारीको लागि प्रहरी संचार कक्ष भक्तपुरको सम्पर्क नं. ९८५१२९०९७६ प्रहरी परिचालन कक्षको सम्पर्क नं. ९८५१२८३०२० त्यसैगरी आकस्मिक नं. १००, ट्राफिक प्रहरी नं. १०३ लगायतमा वा सिधै सम्पर्क गर्न सकिने महानगरीय प्रहरी परिसर भक्तपुरका सूचना अधिकारीसमेत रहेका डीएसपी रेवतीरमण पोखरेलले जानकारी गराएका छन् ।

    प्रतिकृया दिनुहोस्

    सूर्यविनायकमा मानव कंकाल फेला : अनुसन्धानमा सहयोग गर्न प्रहरीको अपिल

    भक्तपुरको सूर्यविनायक नगरपालिका वडा नं. ७ गुण्डु स्थित जंगलमा एक मानव कंकाल फेला परेको छ...

    निषेधाज्ञा खुलेसँगै थपिए कोरोना सङ्क्रमित , तेस्रो लहर आउनसक्ने चेतावनी

    निषेधाज्ञा खुलेसँगै कोरोना भाइरस सङ्क्रमणको दर पनि बढेको छ । पछिल्लो एक हप्ताको तथ्याङ्क हेर्दा...

    फेरी बढ्यो सुनचाँदीको मुल्य

    नेपाली बजारमा सुनचाँदीको मुल्य फेरी बढेको छ । आज छापावाला सुन तोलामा ३ सय रुपैयाँ...

    पुष्पलाल स्मृति दिवसको प्रवचन कार्यक्रममा प्रचण्ड माधव र विप्लवका नेता एकै ठाउमा

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’देखि नेपाल कम्युनिस्ट पार्टीका महासचिव नेत्रविक्रम चन्द ‘विप्लव’सम्म आज...

    बिजुक्छेसंग उत्तर कोरियाली राजदुतले खोले आन्तरिक कुरा

    नेपालका लागि प्रजातान्त्रिक जनगणतन्त्र कोरियाका राजदूत जो योङ मानले आफ्नो देशको आणविक शक्तिबारे अवगत गराएका...