News Portal

  • ढल्यो भक्तपुरको कम्युनिष्ट किल्ला : काँग्रेसका भडेल भारी मतले बिजयी

    ४१७४ पटक

    आम निर्वाचनमा बाम गठबन्धनले जीत हासिल गरेको भक्तपुर निर्वाचन क्षेत्र नम्बर १ अन्तर्गतको प्रदेश क्षेत्र नम्बर १ मा भएको उपनिर्वाचनमा कम्युनिष्ट पार्टीले उक्त जीत कायम गर्न सकेन । चुनावी परिणाम अनुसार सतारुढ दल नेपाल कम्युनिष्ट पार्टी (नेकपा) लाई प्रमुख प्रतिपक्षी दल नेपाली काँग्रेसले हारको स्वाद चखाएको छ ।

    आइतवार सम्पन्न मतगणना अनुसार नेपाली काँग्रेसका उम्मेदवार कृष्णलाल भडेलले नेकपाका उम्मेदवार डीपी ढकाललाई पराजित गरेका छन् । चुनावी परिणाम अनुसार भडेलले १३ हजार ४ सय ३७ मत प्राप्त गर्दा ढकाल ११ हजार १ सय ९७ मै सीमित बन्न पुगे । २ हजार २ सय ४० मतान्तरले काँग्रेसले बाजी मारेको मतगणनास्थल बाट हाम्रा प्रतिनिधिले जनाएका छन् । जीतको औपचारिक घोषणा भने भएको छैन ।

    यस मतपरिणाम अनुसार नेमकिपाले समेत आफ्नो जनमत गुमाएको देखिएको छ । नेमकिपा उम्मेदवार निरज लवजूले ५ हजार ४ सय ४७ मत प्राप्त गर्दै तेस्रो स्थानमा चित्त बुझाएका छन् ।

    यस अघि आम निर्वाचनमा बाम गठबन्धनका स्वर्गीय हरिशरण लामिछाने १२ हजार ७ सय ८९ मत ल्याएर विजयी भएका थिए । लामिछानेले वामगठबन्धनको आधिकारिक उम्मेदवार डीपी ढकाल विरुद्ध वागी उम्मेदवारी दिएका थिए। पछि एमाले र माओवादी केन्द्रले केन्द्रीय तहमै सहमति गरेर लामिछानेको उम्मेदवारीलाई गठबन्धनको उम्मेदवारीको मान्यता दिएका थिए। अहिले उपनिर्वाचनमा उनै ढकाल नेकपाका उम्मेदवार रहेका थिए ।

    त्यतिबेला लामिछानेका निकटतम प्रतिद्वन्द्वी नेपाली कांग्रेसका जीवन खत्रीले ९ हजार ९ सय ७४ मत ल्याएका थिए भने ७ हजार १९ मत ल्याएर नेमकिपाका निरज लवजू तेस्रो भएका थिए ।

    यस उपनिर्वाचनमा भने ९ दलका र १० स्वतन्त्र गरी १९ उम्मेदवार चुनावी मैदानमा थिए । यस उपनिर्वाचनमा कूल ४५ हजार १५ मतदाता रहेकोमा ३२ हजार १२ मत खसेको थियो । यस अघि आम निर्वाचनमा कूल ३८ हजार ९ सय ७६ मतदाता रहेकामा २९ हजार ३ सय ३१ मत खसेको थियो ।

    प्रतिकृया दिनुहोस्

    भक्तपुर नगरब्यापी विद्यालयस्तरीय खेलकुद प्रतियोगिता शुरु

    भक्तपुर नगरपालिकाले हरेक वर्ष गर्दै आएको नगरव्यापी विद्यालयस्तरीय खेलकुद प्रतियोगिता शुरु भएको छ । सोमबार...

    भक्तपुरका ८ मानन्धर सम्मानित

    भक्तपुर उद्योग वाणिज्य संघका नवनिर्वाचित अध्यक्ष शिवप्रसाद मानन्धरसहित ८ जना अगुवा मानन्धरहरुलाई सम्मान गरिएको छ...

    जुगलको अध्यक्षतामा प्रेस सेन्टर नेपालको नयाँ नेतृत्व निर्वाचित

    क्रान्तिकारी पत्रकारहरुको संगठन प्रेस सेन्टर नेपालको चितवनमा सम्पन्न चौथो राष्ट्रिय महाधिवेशनबाट नयाँ नेतृत्व चयन भएको...

    सिनामंगलस्थित सेन्ट्रल कलेजमा विद्यार्थीका लागि विशेष कार्यक्रम

     सिनामंगलस्थित सेन्ट्रल कलेजमा नयाँ भर्ना भएका विद्यार्थीका लागि स्वागत कार्यक्रम सम्पन्न भएको छ । स्नातक...

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...