News Portal

  • सिर्जनानगर स्थित सर्भिस ट्रयाकमै हिडिरहेका २७ वर्षीय युवकको ज्यान लिई फरार टिपर पक्राउ

    भक्तपुर, १६ मङ्सिर
    १७६० पटक
    भक्तपुर, १६ मङ्सिर

    आइतवार राती सर्भिस ट्रयाकमै ठक्कर दिई ज्यान लिएर फरार टिपर प्रहरीको फन्दामा परेको छ ।

    भक्तपुर १ सृजनानगर स्थित हनुमन्ते पूलबाट सल्लाघारी आउने तर्फको सर्भिस ट्रयाकमा २७ वर्षीय समीर बि.क.को ज्यान लिएर फरार टिपर समात्न प्रहरी सफल भएको हो ।

    करिब साढे ८ बजेको समयमा नम्बर नखुलेको सवारी साधनले ठक्कर दिदा उदयपुरको चौदण्डीगढी नगरपालिका घर भएका समीर घाईते भएका थिए । उनलाई प्रहरीले उद्धार गरी सल्लाघारी स्थित डा.इवामुरा स्मृती अस्पताल पुर्याएपनि करिब ९ बजे नै उनलाई अस्पतालले मृत घोषित गरिदिएको थियो ।

    ज्यान लिएर फरार सवारी साधनको खोजीमा रहेको प्रहरीले सीसीटीभी लगायतका प्राविधिक अनुसन्धान तथा बिभिन्न स्थानहरुमा प्रहरी टोलीहरु खटिई चेकजाँच गर्ने क्रममा ठक्कर दिने सवारी साधनलाई राती १२ बजेको समयमा पक्राउ गर्न सफल भएको सृजनानगरका स्थानीय बासिन्दा समेत रहेका महानगरीय प्रहरी परिसर भक्तपुरका सूचना अधिकारी एवं डीएसपी रेवतीरमण पोखरेलले जानकारी गराए ।

    पोखरेलका अनुसार दुर्घटना गराई फरार रहेको सवारी कोटेश्‍वर तिनकुनेबाट पक्राउ गरिएको हो । पक्राउ पर्नेमा बा ३ ख २५३१ नं. ट्रिपर र त्यसका चालक काभ्रे महाभारत गा.पा. ८ घर भई हाल काभ्रेको साँगा बस्ने बर्ष ३० को सिद्धिमान तामाङ रहेका छन् । उनीहरुलाई महानगरीय प्रहरी वृत्तजगातीमा राखी थप अनुसन्धान कार्य भईरहेको बताइएको छ ।

    सिर्जनानगरबाट राती ८ बजे पछि मात्र टिपरलाई छोडिदै आएको छ । सर्भिस ट्रयाकमै जथाभावी पार्किङ्ग गरेर राखिएका टिपरहरुको व्यवस्थापन हुन नसक्दा स्थानीय चिन्तित बन्दै आएका छन् । आइतवारको दुर्घटना संगै चिन्ता थप बढेको स्थानीयको गुनासो छ ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...