News Portal

  • निजी विद्यालयका प्रअलाई बोलाएर नगर प्रमुखले भने-‘व्यापारीकरणका कारण शिक्षामा बाधा’

    भक्तपुर, २९ मङ्सिर
    ७५६ पटक
    भक्तपुर, २९ मङ्सिर

    भक्तपुर नगरपालिका प्रमुख सुनिल प्रजापतिले शिक्षा क्षेत्रमा भइरहेको व्यापारीकरणका कारण गरिव जनतालाई शिक्षा आर्जन गर्न बाधा पुगिरहेको बताएका छन् । आइतबार भक्तपुर नगरपालिका भित्रका संस्थागत विद्यालयका प्रधानाध्यापकहरुको भेलालाई सम्बोधन गर्दै उनले उक्त धारणा व्यक्त गरेका हुन् ।

    नगरपालिकाद्वारा आइतवार आयोजित पहिलो भेलालाई सम्बोधन गर्दै नगर प्रमुख प्रजापतिले शिक्षाको गुणस्तरले देशको विकासमा पनि तीव्र प्रभाव पार्ने प्रष्ट पार्दै गुणस्तरीय शिक्षा नै आजको आवश्यकता भएको भनेका छन् ।

    नेपाल सरकारले शिक्षा क्षेत्रमा छुट्याएको बजेट अपुग भएको भन्दै प्रमुख प्रजापतिले सार्वजनिक विद्यालय सबल बनाउन सके निजी स्वत बन्द हुने बताए ।’सामुदायिक विद्यालयको स्तर राम्रो भए निजी विद्यालयमा स्वतः विद्यार्थीको चाप कम हुँदै जान्छ । निजी विद्यालयको चाप सार्वजनिक नसुध्रदा सम्म मात्र हो ।”उनले भने ।

    निजी विद्यालय व्यापारिक उदेश्यको नभई स्वरोजगारमुखी मात्र हुनुपर्ने र विद्यालयहरुको उदेश्य शिक्षा सेवा नै हुनुपर्ने उनको भनाइ छ । विद्यार्थीहरुलाई देशभक्त बनाउन सके मात्र विद्यालय सफल रहेको ठहर्ने स्पष्ट पार्दै प्रमुख प्रजापतिले देशभक्त नागरिक उत्पादन गर्ने अभियानमा सहभागी बन्न निजी विद्यालयका प्रधानाध्यापकहरुलाई आह्वान समेत गरे ।

    उक्त अवसरमा वडा नं. ९ का वडाध्यक्ष रबिन्द्र ज्याख्वले माध्यमिक विद्यालय तहका विद्यार्थीहरुमा नैतिक शिक्षाको आवश्यकता औल्याउदै विद्यालयहरुले नैतिक पाठ पढाउनुपर्ने बताए ।

    कार्यक्रममा भक्तपुर नगर शिक्षा शाखा प्रमुख कृष्णप्रसाद कर्माचार्यले शैक्षिक वर्ष २०७६ मा नगर शिक्षा शाखाबाट सम्पन्न कार्य विवरण, भावी योजना, सूचनाहरु र विद्यालयले बुझाउनुपर्ने प्रतिवेदनहरु प्रस्तुत गरेका थिए भने भक्तपुर नपा शिक्षा शाखाका उपसचिव हरिप्रसाद निरौला, प्याब्सनका तर्फबाट रमेशचन्द्र श्रेष्ठ, एनप्याब्सनका तर्फबाट पुण्यराम कवां, इसानका तर्फबाट पुरुषोत्तम ग्वाछा लगायतले पनि भक्तपुरको शिक्षाको अवस्थाबारे आ–आफ्नो विचार व्यक्त गरेका थिए ।

    प्रतिकृया दिनुहोस्

    भक्तपुरमा तात्यो माओवादी केन्द्र : एकैदिन पाँच वडाका कार्यक्रम, ताथलीमा नयाँ कमिटी

    भक्तपुरमा नेपाल कम्युनिष्ट पार्टी (माओवादी केन्द्र)ले आफ्नो सांगठनिक गतिविधि बढाएको छ । केपी ओली सरकार...

    सूर्यविनायकमा मानव कंकाल फेला : अनुसन्धानमा सहयोग गर्न प्रहरीको अपिल

    भक्तपुरको सूर्यविनायक नगरपालिका वडा नं. ७ गुण्डु स्थित जंगलमा एक मानव कंकाल फेला परेको छ...

    निषेधाज्ञा खुलेसँगै थपिए कोरोना सङ्क्रमित , तेस्रो लहर आउनसक्ने चेतावनी

    निषेधाज्ञा खुलेसँगै कोरोना भाइरस सङ्क्रमणको दर पनि बढेको छ । पछिल्लो एक हप्ताको तथ्याङ्क हेर्दा...

    फेरी बढ्यो सुनचाँदीको मुल्य

    नेपाली बजारमा सुनचाँदीको मुल्य फेरी बढेको छ । आज छापावाला सुन तोलामा ३ सय रुपैयाँ...

    पुष्पलाल स्मृति दिवसको प्रवचन कार्यक्रममा प्रचण्ड माधव र विप्लवका नेता एकै ठाउमा

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’देखि नेपाल कम्युनिस्ट पार्टीका महासचिव नेत्रविक्रम चन्द ‘विप्लव’सम्म आज...