News Portal

  • नेपालमाथिको नाकाबन्दी विरोधी भारतीय नेता डीपी त्रिपाठीको निधन

    इभक्तपुर संवाददाता
    ९०२ पटक

    राष्ट्रवादी कांग्रेस पार्टीका नेता देवप्रसाद (डीपी) त्रिपाठीको निधन भएको छ । नेपालमा पाँचमहिने नाकाबन्दीको विरोध गर्ने ६७ वर्षीय त्रिपाठीको बिहीबार नयाँदिल्लीमा निधन भएको हो ।

    लामो समयदेखि क्यान्सरसँग लडिरहेका उनको निधनमा विभिन्‍न पार्टीका नेता तथा शुभेच्छुकले श्रद्धाञ्‍जली व्यक्त गरिरहेका छन् । राष्ट्रवादी कांग्रेस पार्टीका महासचिव रहेका त्रिपाठीले तत्कालीन विद्रोही माओवादी र राजनीतिक दलबीच १२ बुँदे सम्झौताका एक वार्ताकार पनि थिए ।

    हिन्दुस्तान टाइम्सका अनुसार नेपाल माओवादीको विद्रोहीका कारण गृहयुद्धले थलिएको समयमा त्रिपाठीले समस्या समाधानका लागि महत्त्वपूर्ण भूमिका खेलेका थिए । उक्त समस्या समाधानदेखि १२ बुँदे सम्झौतासम्मको यात्रामा त्रिपाठी मुख्य पात्र थिए ।

    १२ बुँदे सम्झौताका क्रममा वसन्त कुञ्‍जस्थित आफ्नो निवासमा बसिरहेका बेला माओवादी नेता पुष्पकमल दाहाल प्रचण्ड र बाबुराम भट्टराईलाई भारतीय कम्युनिस्ट पार्टीका नेता सीताराम यचुरी र अन्य भारतीय राजनीतिज्ञसँग परिचय गराएको हिन्दुस्तान टाइम्सले लेखेको छ ।

    उनले भारतले नेपालमाथि लगाएको नाकाबन्दीको खुलेर विरोध गरेका थिए । उनको निधनप्रति भारतीय विदेशमन्त्री एस जयशंकरले श्रद्धाञ्‍जली अर्पण गरेका छन् । विदेशमन्त्री जयशंकरले त्रिपाठीले विश्व मामिलामा उनले खेलेको भूमिकाको प्रशंसा गरे ।

    जयशंकरले ट्विटमार्फत भनेका छन्, ”त्रिपाठीको निधनले मर्माहत बनाएको छ । सन् १९७३ मा हामीले जहवारलाल नेहरु विश्वविद्यालयमा भर्ना भएदेखि विश्वको विभिन्‍न राजनीतिक र कूटनीतिक मामिलाका विषयमा उनीसँग छलफल र बहस गर्थ्यौं । सधैं खुला हृदयले कुरा गर्ने एक व्यवहारिक व्यक्ति थिए ।”

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...