News Portal

  • भक्तपुरको इतिहासमै किर्तिमानी कायम गर्दै हनुमन्ते सफाई अभियान,शनिवार विशेष कार्यक्रम

    भक्तपुरपोस्ट संवाददाता भक्तपुर, १० माघ
    १०९८ पटक
    भक्तपुर, १० माघ

    २ वर्ष अघि शुरु भएको भक्तपुरको हनुमन्ते नदी सफाई अभियान ऐतिहासिक १ सय हप्तामा पुगेको छ । भक्तपुरमा हनुमन्ते सफाई अभियान अघि बढ्न नसक्ने दावीलाई चुनौती दिँदै अभियन्ताहरुको निरन्तर सक्रियताका कारण यसले भक्तपुरको सफाई इतिहासमै गौरवमय १ सय हप्ताको किर्तिमान कायम गर्न सफल भएको हो ।

    मङ्सिर २०७४ मा प्रतिनिधि सभा सदस्य निर्वाचित भएका सांसद महेश बस्नेतले आफू निर्वाचित भएको १ सय दिन नपुग्दै हनुमन्ते सफाई अभियानको नेतृत्व गरेका थिए । बागमती सफाई अभियानको सिको गरिएको र यो अभियान भक्तपुरमा लामो समय जान नसक्ने भन्दै केहि मानिसहरुले यसको आलोचना गरेका थिए । तर,’जहाँ आँट, त्यहाँ साथ्’ भने झैँ २०७४ फागुन १९ गते शनिवारबाट शुरु भएको हनुमन्ते नदी सफाई अभियानमा अभियन्ताहरुको सकृयताले सफाई कार्यलाई  शनिवार ऐतिहासिक १ सय हप्तामा पुर्याएको छ । यस अभियानको संयोजन सूर्यविनायक नगरपालिका र सहसंयोजन मथ्यपुर थिमी नगरपालिकाले गर्दै आएको देखिन्छ ।

    अभियन्ताहरुको आलावा नेपाली सेना, नेपाल प्रहरी, सशस्त्र प्रहरी, विभिन्न विद्यालय,सामाजिक सङ्घसंस्थाहरुका साथै जनप्रतिनिधि र स्थानीयको सकृय सहभागिता रहँदा सफाई अभियानलाई १ सय हप्तासम्म अघि बढाउँन सकिएको अभियन्ता कपिल कसपालले बताए । हनुमन्ते सफाइ अभियान नदी सफाई संगै सडक, पुल र सम्पदा सफाईका अतिरिक्त हरियाली प्रवर्द्धनमा पनि जोडिएको अभियन्ता कसपालको भनाइ छ ।

    १ सय हप्ताको सफाई कार्यक्रमलाई भव्य रुपमा सम्पन्न गर्न शनिवार विशेष कार्यक्रम समेत आयोजना गरिएको अर्का अभियन्ता दिनेश थापाले जानकारी दिएका छन् । विहान ७:३० बजे राधेराधे चोकमा भेला भै १ सय हप्ताको समिक्षा र सेलिब्रेशन गरिने थापाले बताए । थापाले जनाए अनुसार शनिवार हरियाली प्रर्बद्धन र सडकमा राखिएका सोलार बत्तीको समेत उद्घाटन गरिने कार्यक्रम राखिएको छ । उक्त उद्घाटन संघीय सरकारका वन तथा वातावरण मन्त्री शक्ति बस्नेतको प्रमुख आतिथ्यता तथा पूर्व उद्योग मन्त्री समेत रहेका सांसद महेश बस्नेतको विशेष आतिथ्यताबाट हुने बताइएको छ । सांसद बस्नेतकै पहलमा मन्त्री बस्नेतले सडकको बीचमा हरियाली बनाउन भन्दै यस अघि १ करोड को बजेट उपलब्ध गराएका थिए ।

    हनुमन्ते सफाई अभियानका उत्प्रेरक रुद्र पौडेलले जनाए अनुसार शनिवार सफाइमा योगदान पुर्याउने व्यक्ति तथा संस्थालाई सम्मानित समेत गरिने कार्यक्रम रहेको छ । शनिवार सफाइ अभियानको जिम्मा स्थानीय सरकारलाई सुम्पने पनि कार्यक्रम रहेको अभियानका एक अभियन्ताले जानकारी गराए ।

    बागमती नदीको सहायक नदीका रुपमा रहेको यो हनुमन्ते नदीको लम्बाई ९ किमि रहेको छ । भक्तपुरका चारवटै नगरपालिका चाँगुनारायण, भक्तपुर, सूर्यविनायक र मध्यपुर थिमि भएर बहने हनुमन्ते नदीको पानी २ दशक अघि सम्म पिउन योग्य भएको स्थानीयहरुको भनाइ छ । पछिल्लो समय ढल र फोहोरको कारण यो नदी दुर्गन्धीत नदीको रुपमा परिणत भएपछी सफाई अभियान शुरु गरिएको हो । २ वर्षमा नदीलाई पूरै सफा गर्न नसकिएपनि १६ सय टन फोहोर झिकिएको र करिब १ लाख मानिसहरु सफाइ अभियानमा सामेल भएको दावी गरिएको छ ।

    प्रतिकृया दिनुहोस्

    भक्तपुरमा तात्यो माओवादी केन्द्र : एकैदिन पाँच वडाका कार्यक्रम, ताथलीमा नयाँ कमिटी

    भक्तपुरमा नेपाल कम्युनिष्ट पार्टी (माओवादी केन्द्र)ले आफ्नो सांगठनिक गतिविधि बढाएको छ । केपी ओली सरकार...

    सूर्यविनायकमा मानव कंकाल फेला : अनुसन्धानमा सहयोग गर्न प्रहरीको अपिल

    भक्तपुरको सूर्यविनायक नगरपालिका वडा नं. ७ गुण्डु स्थित जंगलमा एक मानव कंकाल फेला परेको छ...

    निषेधाज्ञा खुलेसँगै थपिए कोरोना सङ्क्रमित , तेस्रो लहर आउनसक्ने चेतावनी

    निषेधाज्ञा खुलेसँगै कोरोना भाइरस सङ्क्रमणको दर पनि बढेको छ । पछिल्लो एक हप्ताको तथ्याङ्क हेर्दा...

    फेरी बढ्यो सुनचाँदीको मुल्य

    नेपाली बजारमा सुनचाँदीको मुल्य फेरी बढेको छ । आज छापावाला सुन तोलामा ३ सय रुपैयाँ...

    पुष्पलाल स्मृति दिवसको प्रवचन कार्यक्रममा प्रचण्ड माधव र विप्लवका नेता एकै ठाउमा

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’देखि नेपाल कम्युनिस्ट पार्टीका महासचिव नेत्रविक्रम चन्द ‘विप्लव’सम्म आज...