News Portal

  • अरनिको सभाभवन निर्माणस्थल परिसरमा सरसफाई

    भक्तपुरपोष्ट संवाददाता१ फागुन २०७६
    ३८० पटक
    १ फागुन २०७६

    भक्तपुर । भक्तपुर नगरपालिकाको आयोजनामा वडा नं ६ मा अवस्थित अरनिको सभाभवन निर्णाणस्थलमा सरसफाई गरिएको छ ।

    भक्तपुर नगरपालिकाले नगरलाई सुन्दर, स्वच्छ र सफा राख्नको लागि आफ्नो ठाउँ आपैm सफा गरौं भन्ने उद्देश्यले विगत २०७४ साल श्रावण १ गतेदेखि जनप्रतिनिधि, कर्मचारी एवं स्थानिय जनताको उपस्थितिमा नियमित सरसफाईका कार्यक्रमहरु अटुट रुपले सञ्चालन गर्दै आइरहेको छ ।

    सरसफाई कार्यक्रममा बोल्दै वातावरण समितिका संयोजक तथा वडा नं ९ का वडा अध्यक्ष रविन्द्र ज्याख्वले सांस्कृतिक नगरी भक्तपुर आन्तरिक तथा बाह्य पर्यटनको आकर्षणको केन्द्रविन्दुमा रहेकोले सफा र सुन्दर भक्तपुर निर्माणमा जुटेको बताए ।

    आगामी चैत ४ देखि ८ गतेसम्म भक्तपुर महोत्सव हुने जानकारी दिँदै उनले ऐतिहासिक एवं पुरानो नगर क्षेत्रको सौन्दर्यता कायम गर्न र पैदलयात्रीहरुको सुरक्षाको लागि फागुन १ गतेदेखि पुरानो नगर क्षेत्रमा भारी सवारी साधन प्रवेश निषेध गरिएको समेत जानकारी दिए ।

    वडा नं २ का वडा अध्यक्ष हरिप्रसाद बासुकलाले नगरपालिकाले शिक्षा, स्वास्थ्य र खेलकुदलार्ई विशेष महत्व दिइरहेको र फागुण ८ गतेदेखि १२ गतेसम्म अन्तर नगर एथलेटिक्स प्रतियोगिता सञ्चालन गर्न लागेको बताए ।

    वडा नं ६ का वडा अध्यक्ष हरिराम सुवालको सभापतित्वमा सम्पन्न उक्त सरसफाई कार्यक्रममा बोल्दै सुवालले प्रदेश सरकारसँगको सम्झौता भएसँगै अरनिको सभाभवनको निर्माण थालनी गर्न आग्रह गरे । कार्यक्रममा वडा सदस्य रोशनमैया सुवाल र बुद्धिराम अवालले पनि बोलेका थिए ।

    प्रतिकृया दिनुहोस्

    मुआब्जा र क्षतिपूर्ति न्यायोचित तवरले उपलव्ध गराउन मन्त्री भुसालको निर्देशन

    उर्जा, जलश्रोत तथा सिंचाई मन्त्री पम्फा भुसालले विभिन्न आयोजना निर्माणका लागि आवस्यक पर्ने जग्गा अधिग्रहण...

    शिरमा देश र मनमा मधेश : प्रदेश प्रमुख अहिराजका १२ काम

    rajesh ahiraj

    प्रदेश २ का प्रदेश प्रमुख डा.राजेश अहिराजले शिरमा देश र मनमा मधेश राखेर काम गरिरहेको...

    अपि पावर कम्पनी लिमिटेडको शेयर आजदेखि लिलाममा

    अपि पावर कम्पनी लिमिटेड ले हकप्रद निष्काशन गर्दा बिक्रि नभएको सेयर आज साउन १३ गतेदेखि...

    Chinese Democracy Develops Living Standard

    The definition of democracy It is said that democracy is the system of governance for...

    महन्थको राजनीती धरापमा

      निर्वाचन आयोगले जनता समाजवादी पार्टी (जसपा) को आधिकारिकता उपेन्द्र यादव पक्षलाई दिएको छ ।...