News Portal

  • कोरोना भाइरसबाट चीनमा ज्यान गुमाएकाको सम्झनामा भक्तपुरमा श्रद्धान्जली सभा

    भक्तपुरपोस्ट संवाददाता भक्तपुर, ९ फागुन
    १८५६ पटक
    भक्तपुर, ९ फागुन

    चीनमा कोरोना भाइरस (कोभेड १९) बाट ज्यान गुमाएकाको सम्झनामा भक्तपुरमा श्रद्धान्जली सभा सम्पन्न गरिएको छ । शुक्रवार दरवार स्क्वायरमा श्रद्धान्जली सभा सम्पन्न गरिएको हो ।

    ३१औं अन्तर्राष्ट्रिय पर्यटक पथप्रदर्शक दिवसको अवसर पारेर भक्तपुर नगरपालिका, भक्तपुर पर्यटन विकास समिति र भक्तपुर स्थानीय पथप्रदर्शक समितिको संयुक्त आयोजनामा मृतकको सम्झनामा मैनबत्ती प्रज्वलन समेत गरिएको थियो । उक्त अवसरमा कोरोना भाइरस (कोभिड–१९) विरुद्ध लडिरहेको चीन र चिनिया जनताप्रति ऐक्यबद्धता व्यक्त गर्दै महामारी चाडै नियन्त्रणमा आओस भन्ने कामना गरिएको थियो ।

    कार्यक्रममा नेपाल मजदुर किसान पार्टीका केन्द्रीय सचिव समेत रहेका संघीय सांसद प्रेम सुवालले चीन आपतमा परेको बेला चीनको प्रगति देख्न नचाहने शक्तिहरूले चीनबारे भ्रमपूर्ण प्रचार गरिरहेको बताए । चीन नेपालको असल छिमेकी मात्र नभई मित्र शक्ति भएको जिकिर गर्दै सांसद सुवालले यस्तो समयाम नेपाल र नेपाली जनताको सद्भाव र ऐक्यबद्धताले चीन र चिनिया जनतालाई रोगसँग लड्न आत्मबल प्राप्त हुने विस्वास व्यक्त गरे ।

    उक्त अवसरमा नेमकिपा केन्द्रीय सदस्य एवं भक्तपुर नगरपालिकाका प्रमुख सुनिल प्रजापतिले कोभिड–१९ भाइरसको संक्रमणबारे अमेरिकाले नचाहिदो हल्ला फैलाइरहेको आशंका गरे । चीनलाई एक्लो पार्न कोरोना भाइरसलाइ बहाना बनाएर चाहिने भन्दा बढी डर फ़ैलाइदिएको उनको आशंका छ ।

    “रोग लाई पूर्वाग्रह, शत्रुता र राजनीतिक द्वैष फैलाउने आधार बनाउनु नहुनेमा जोड दिंदै प्रमुख प्रजापतिले नेपाली जनताको सहयोग र सहानुभुतीले पनि चीनको दुखमा मलहम लगाउन सकिने बताए ।

    कार्यक्रममा कर्मचारी नेता गौतम लासिवा, भक्तपुर पर्यटन बिकाश समितिका अध्यक्ष रामसुन्दर भेले त्यसैगरी डा.बालकृष्ण चागुभारी र दिपेशराज उपाध्याय लगायतले चिनिया पर्यटकले भक्तपुरको पर्यटन क्षेत्रमा पुर्याएको योगदानको स्मरण गर्दै यतिबेला चीनको दुखमा भक्तपुरको आशु बगिरहेको बताएका थिए ।

    चीनको दुखमा एक्यवद्धता जनाउन जनप्रतिनिधि, पर्यटन व्यवसायी, कर्मचारी र पत्रकार लगायतका प्रतिनिधिहरु दरवार स्क्वायर पुगेका थिए ।

    प्रतिकृया दिनुहोस्

    भक्तपुरमा तात्यो माओवादी केन्द्र : एकैदिन पाँच वडाका कार्यक्रम, ताथलीमा नयाँ कमिटी

    भक्तपुरमा नेपाल कम्युनिष्ट पार्टी (माओवादी केन्द्र)ले आफ्नो सांगठनिक गतिविधि बढाएको छ । केपी ओली सरकार...

    सूर्यविनायकमा मानव कंकाल फेला : अनुसन्धानमा सहयोग गर्न प्रहरीको अपिल

    भक्तपुरको सूर्यविनायक नगरपालिका वडा नं. ७ गुण्डु स्थित जंगलमा एक मानव कंकाल फेला परेको छ...

    निषेधाज्ञा खुलेसँगै थपिए कोरोना सङ्क्रमित , तेस्रो लहर आउनसक्ने चेतावनी

    निषेधाज्ञा खुलेसँगै कोरोना भाइरस सङ्क्रमणको दर पनि बढेको छ । पछिल्लो एक हप्ताको तथ्याङ्क हेर्दा...

    फेरी बढ्यो सुनचाँदीको मुल्य

    नेपाली बजारमा सुनचाँदीको मुल्य फेरी बढेको छ । आज छापावाला सुन तोलामा ३ सय रुपैयाँ...

    पुष्पलाल स्मृति दिवसको प्रवचन कार्यक्रममा प्रचण्ड माधव र विप्लवका नेता एकै ठाउमा

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’देखि नेपाल कम्युनिस्ट पार्टीका महासचिव नेत्रविक्रम चन्द ‘विप्लव’सम्म आज...