News Portal

  • पूर्वमन्त्री बाँस्कोटाको घरमा विष्फोट गराएको अभियोगमा एक पक्राउ

    भक्तपुरपोस्ट संवाददाता१७ असार २०७७
    ८०७ पटक
    १७ असार २०७७

    काठमाडौं । पूर्वसूचना तथा सञ्चार प्रविधि मन्त्री गोकुल बाँस्कोटाको घरमा विष्फोट गराएको अभियोगमा एक जना पक्राउ परेका छन् ।
    पक्राउ पर्नेमा प्रतिबन्धित नेकपा(विप्लव समूह) भक्तपुर जिल्ला इञ्चार्ज विजय शाही भनिने ऐनबहादुर शाही छन् । शाहीमाथि थप अनुसन्धान भइरहेको प्रहरीले जनाएको छ ।

    यसअघि २८ फागुनमा मनहरा फाँटस्थित बाँस्कोटाको निर्माणाधीन घरमा विप्लव समूहले विष्फोट गराएको थियो । घटनामा संलग्नताको आरोपमा त्यतिवेलै चार जना पक्राउ परेका थिए ।

    अभिषेक भन्ने टेक बहादुर बिक, अमृत बहादुर कुमाल, लक्ष्मण सेठी, देबी बहादुर गुरुङ पक्राउ परेका भएपनि संलग्नता पुष्टि नभएपछि देबी बहादुर गुरुङलाई साधारण तारेखमा छुटेका थिए । भक्तपुर जिल्ला अदालतको आदेशअनुसार बाँकी ३ जनालाई पुर्पक्षका डिल्लीबजार कारागार चलान गरिएको थियो ।

    महानगरीय प्रहरी परिसर भक्तपुरका प्रवक्ता डीएसपी दिपक गिरीले सोही घटनामा फरार रहेका मुख्य योजनाकार नेकपा (विप्लव समुह) भक्तपुर जिल्लाका सेक्रेटरी शाहीलाई विशेष सूचनाको आधारमा महानगरीय प्रहरी परिसर, भक्तपुरबाट खटिएको प्रहरी टोलीले असार १५ गते पक्राउ गरिएको बताए । उनलाई असार १६ गते जिल्ला अदालत भक्तपुरवाट म्याद थप गरी थप अनुसन्धान कार्य भईरहेको गिरीले जानकारी दिए ।

    उनकाअनुसार शाहीलाई महानगरीय प्रहरी वृत्त, ठिमीमा राखिएको छ ।

    उता, प्रतिबन्धित नेकपा(विप्लव समूह)ले भने उपत्यका विशेष ब्युरो इञ्चार्ज मिलनको नामबाट विज्ञप्ति जारी गर्दै पार्टीले आक्रामक कारबाही बन्द गरेको अवस्थामा झुठा मुद्दा लगाइएको दाबी गरेको छ ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...