चितवन, २४ साउनगीतकार नीलकण्ठ सुवेदीको शब्दमा ‘यसपालीको हाम्रो तीज इन्टरनेटमा’ बाेलकाे तीजको गीत सार्वजनिक भएको छ ।कोरोना कहरमा घरमै बसेर पर्व मनाउन आग्रह गरिएकाे याे गीत नीलकण्ठ सुवेदीको शब्द,.राम कार्कीको संगीत र एलिना चौहानकाे स्वरमा सजिएकाे छ ।
चितवनको गुन्जनगरमा स्थायी घर रही अमेरिकाको भर्जिनियामा बस्दै आएका अन्तरास्ट्रिय नेपाली साहित्य समाज (अनेसास) वाशिङ्टन डिसि च्याप्टरका सचिव समेत रहेका गीतकार नीलकण्ठ सुवेदीले तीजको यो गीतमार्फत सकारात्मक सन्देश दिने प्रयास गरिएकाे बताए ।कोरोनाको कहरको यो समयमा गीतले घरमै बस्न र इन्टरनेटमा रमाइलाे गर्न प्रेरित गर्ने उनकाे विश्वास छ । गीतमा इन्टरनेटमार्फत् साथी-संगीसँग तीज मनाउन आग्रह गरिएको छ ।
सुवेदीका अघिल्लो वर्षका तीजका गीतहरूमा माइत जाने, दर खाने नाच्ने, दिदी बहिनी लिन जाने लगायतका विषय रहेका थिए । ओएस्आर डिजिटल च्यानल मार्फत सार्वजनिक भएको उक्त गीतमा सुरेश थापाले भिडियो निर्देशन गरेका छन् । गीतको भिडियोमा सुरेश थापा, अनिता दंगाल, गणेश आमी लगायतको अभिनय रहेको छ ।
‘यसपालीको हाम्रो तीज इन्टरनेटमा’ गीत तलकाे लिंकमा सुन्न र हेर्न सकिन्छ ।