News Portal

  • आइतवार उपत्यकामा ९२ कोरोना पोजेटिभ हुँदा भक्तपुर निल, यी हुन् भक्तपुरका शनिवार संक्रमित

    बाबुराम दाहाल / भक्तपुर पोस्ट भक्तपुर, २५ साउन
    ३७७० पटक
    भक्तपुर, २५ साउन

    आइतबार काठमाडौं उपत्यकामा ९२ जना कोरोना भाइरस (कोभिड १९) का संक्रमित थपिएका छन् । यो संख्या हालसम्मकै उच्च संख्या हो। तर आइतबार भक्तपुरका कसैमा कोरोना संक्रमण देखिएको छैन ।

    काठमाडौंमा ९० र ललितपुरमा २ जना गरी आइतवार उपत्यकामा ९२ संक्रमित थपिएका स्वास्थ्य मन्त्रालयले जनाएको हो ।

    यो सहित काठमाडौं उपत्यकामा कुल संक्रमितको संख्या ११३६ पुगेको छ । जसमा काठमाडौंमा ९१२, ललितपुरमा १३९ र भक्तपुरमा ८५ संक्रमित पुष्टि भएका छन् ।

    शनिवार मध्यपुर थिमिको नेपाल कोरियामैत्री नगरपालिका अस्पतालमा स्वाब परीक्षण गर्दा भक्तपुरका ३ जनामा कोरोना भाइरस संक्रमण पुष्टि भएको थियो । उनीहरुमध्ये २ आमाछोरा हुन् भने एक युवक रहेका छन् ।

    स्वास्थ्य कार्यालय भक्तपुरका प्रमुख कृष्ण बहादुर मिजारले जानकारी दिए अनुसार शनिवार संक्रमित हुनेमा २२ महिने बालक र उनकी आमा रहेका छन् । उनीहरु सूर्यविनायक ८ सिपाडोलका हुन् । उनीहरु कोरोना संक्रमण पुष्टि भएका प्रहरी मुख्यालय नक्सालमा कार्यरत प्रहरीका श्रीमती र छोरा भएको बताइएको छ । शनिवार संक्रमण पुष्टि भएपछि उनीहरुको प्रहरी अस्पतालमा उपचार भैरहेको छ ।

    त्यसैगरी अर्का एक संक्रमित भने मध्यपुर थिमिकै हुन् । छब्बीस बर्षिय ति युवक कौसल्टारका भएको जानकारी प्राप्त भएको छ ।

    प्रतिकृया दिनुहोस्

    देशभरका सबै वडा कमिटी गठन गर्न माओवादी केन्द्रको निर्देशन

    नेकपा माओवादी केन्द्रको केन्द्रीय समिति बैठकले आज दुई निर्णय गरेको छ । आइतबार पार्टी केन्द्रीय...

    त्रिविमा आंशिक शिक्षकको तालाबन्दी

    त्रिभुवन विश्वविद्यालय (त्रिवि) मा आंशिक शिक्षकले विभिन्न माग राख्दै एक सातादेखि तालाबन्दी गरेका छन् ।...

    सभामुखको पहलपछि सरकारी तलब भत्ता सरकारी बैंकबाट

    अब सांसदले तलबभत्ता सरकारी बैंकबाट पाउने भएका छन् । संसद सचिवालयले केही महिनायता पहल गरेर...

    नर्वे सेनामा नेपाली युवाको प्रवेश

    नेपालका ८ युवा नर्वे सेनामा भर्ती भएका छन् । नर्वे सेनामा नेपाली युवाको प्रवेश यो...

    पत्रकार मोहन बल्ललाई मातृशोक

    नेपाल पत्रकार महासंघ, भक्तपुरका निवर्तमान कोषाध्यक्ष एवं श्रमजिवी पत्रकार मोहन बल्ललाई मातृशोक परेको छ ।...