News Portal

  • पर्सामा थप ४५ जनामा सङ्क्रमण, दुई दिनमा ७० डिस्चार्ज

    २०९ पटक

    वीरगञ्ज, ३२ साउन । एक जना सञ्चारकर्मी सहित पर्सामा थप ४५ जनामा कोरोनासंक्रमण पुष्टि भएको छ । वीरगञ्जको नारायणी अस्पतालको प्रयोगशालामा गरिएको परिक्षणको शनिबार साँझ आएको परिक्षण रिपोर्टअनुसार पर्साका ४५ जनामा कोरोना भाइरस संक्रमण पुष्टि भएको हो ।

    नारायणी अस्पतालका मेडिकल सुपरिटेन्डेन्ट डा. मदनकुमार उपाध्यायले शनिबार साँझ आएको परिक्षण रिपोर्टअनुसार पर्साका ४५ र बाराका २ जना गरी ४७ जनामा संक्रमण पुष्टि भएको हो । शनिबार साँझ संक्रमण पुष्टि हुनेमा ८ वर्षदेखि ७० वर्ष उमेर समुहका ३७ जना पुरुष र १० जना महिला गरी ४७ जना रहेका छन् ।

    थपिएका संक्रमितहरुमा वीरगञ्ज महानगरका विभिन्न वडाका १३ जना , नारायणी अस्पतालका ७ जना , प्राईम फर्मा उद्योगका ६ जना , नारायणी अस्पतालको आइृसियूमा उपचाररत १ पुरुष र १ महिला गरी २ जना , एक जना पत्रकार , वयोधा अस्पतालका तीन जना कर्मचारी , पर्सा कै पोखरिया नगरपालिकाका विभिन्न वडाका १२ जना , पर्सा कै बहुदरमाइ नगरपालिकाका १ जना पुरुष रहेका छन् । त्यस्तैगरी संक्रमण पुष्टि भएका अन्यमा बारा जिल्ला महागढीमाई वडा नम्बर ५ कबहीका ४० वर्षीय १ जना पुरुष र बारा जिल्ला कलैया वडा नम्बर १ का ६० बर्षीय पुरुष गरी २ जना रहनु भएको छ ।

    शनिबार थपिएका ४५ जना संक्रमितसँगै पर्सामा संक्रमितको संख्या एक हजार २ सय ३४ पुगेको जिल्ला स्वास्थ्य कार्यालय पर्साले जनाएको छ ।
    यसैबीच शुक्रबार र शनिबार गरी दुईदिनमा पर्साको वीरगञ्जका विभिन्न कोभिड अस्पतालमा उपचाररत ७० जना संक्रमितहरु कोरोना संक्रमण मुक्त भई डिस्चार्ज भएका छन् ।

    गण्डक अस्थायी कोभिड अस्पतालका कोअर्डिनेटर डा.उदय नारायण सिंहले शुक्रबार र शनिबार गरी दुईदिनमा उपचाररत ७० जना संक्रमितहरु संक्रमणमुक्त भई अस्पतालबाट डिस्चार्ज भएको जानकारी दिनुभयो ।
    वीरगञ्ज हेल्थ केयर र गण्डक अस्थायी कोभिड अस्पतालबाट शुक्रबार ३६ जना र शनिबार ३४ जना गरी ७० जना संक्रमण मुक्त भई डिस्चार्ज भएको उहाँले बताउनुभयो ।

    संक्रमण मुक्तहुनेमा एक जना पत्रकार , नेपाली कांग्रेसका केन्द्रीय सदस्य अजय चौरसीया, वीरगञ्ज कारगारका प्रमुख श्रवण पोखरेल, वीरगञ्ज महानगरपालिका वडा नम्बर ४ का वडा अध्यक्ष जगत साह कानु सहित १३ जना महिला र ५७ जना पुरुष संक्रमण मुक्तभई अस्पतालबाट डिस्चार्ज हुनु भएको हो । संक्रमण मुक्त हुनेमा १ जना २ वर्षे बालिका र २ जना डाईलाईसिस सेवा लिई रहेका मृगौला रोगी समेत रहेका छन् ।

    कोरोना संक्रमण पुष्टि भएपछि कोभिड अस्पताल भर्ना गरी उपचारका क्रममा गरिएका पिसिआर परिक्षणमा नेगेटिभ रिर्पोट आएपछि ती संक्रमितहरुलाई संक्रमणमुक्त घोषणा गर्दै अस्पतालले डिस्चार्ज गरेको हो । हालसम्म पर्सा जिल्लाबाट उपचारपश्चात ३ सय ७ जना संक्रमणमुक्त भई डिस्चार्ज भईसकेको जिल्ला स्वास्थ्य कार्यालय पर्साले जनाएको छ । गोरखापत्र दैनिक

    प्रतिकृया दिनुहोस्

    देशभरका सबै वडा कमिटी गठन गर्न माओवादी केन्द्रको निर्देशन

    नेकपा माओवादी केन्द्रको केन्द्रीय समिति बैठकले आज दुई निर्णय गरेको छ । आइतबार पार्टी केन्द्रीय...

    त्रिविमा आंशिक शिक्षकको तालाबन्दी

    त्रिभुवन विश्वविद्यालय (त्रिवि) मा आंशिक शिक्षकले विभिन्न माग राख्दै एक सातादेखि तालाबन्दी गरेका छन् ।...

    सभामुखको पहलपछि सरकारी तलब भत्ता सरकारी बैंकबाट

    अब सांसदले तलबभत्ता सरकारी बैंकबाट पाउने भएका छन् । संसद सचिवालयले केही महिनायता पहल गरेर...

    नर्वे सेनामा नेपाली युवाको प्रवेश

    नेपालका ८ युवा नर्वे सेनामा भर्ती भएका छन् । नर्वे सेनामा नेपाली युवाको प्रवेश यो...

    पत्रकार मोहन बल्ललाई मातृशोक

    नेपाल पत्रकार महासंघ, भक्तपुरका निवर्तमान कोषाध्यक्ष एवं श्रमजिवी पत्रकार मोहन बल्ललाई मातृशोक परेको छ ।...