४ भाद्र २०७७भक्तपुर । पछिल्लो २४ घन्टामा भक्तपुरमा थप ८ जनामा कोरोना संक्रमण पुष्टि भएको छ । भक्तपुरमा ८ सहित उपत्यकामा थप दुईसय संक्रमित थपिएका छन् ।
स्वास्थ्य मन्त्रालयको नियमित कोरोना ब्रिफिङका क्रममा प्रवक्ता डा जागेश्वर गौमतले काठमाडौंमा १७४ जना र ललितपुरमा १८ जनामा संक्रमण पुष्टि भएको जानकारी दिए ।
यस्तै मुलुकभर ७ सय ७ जना नयाँ कोरोना संक्रमित थपिएका छन् । यो सँगै नेपालमा कुल संक्रमितको संख्या २९ हजार ६ सय ४५ पुगेको छ ।
डा गौतमका अनुसार बिहिबार संक्रमण मुक्त भएर थप २६४ जना डिस्चार्ज भएका छन् । आज संक्रमण मुक्त भएकासँगै देशभर कूल १७ हजार ९ सय ६४ जना संक्रमित डिस्चार्ज भएका छन् ।
आज देशभर ११ हजार ५सय २५ जना सक्रिय संक्रमित र होम आइसोलेसनमा ३ हजार ७ सय ७२ जना रहेको मन्त्रालयले जनाएको छ । ११ हजार ७ सय ६८ जना क्वारेन्टाइनमा रहेको डा गौतमले बताए ।
हालसम्म कोरोनाबाट मृत्यु हुनेको संख्या १२६ पुगेको छ ।