News Portal

  • यी हुन् भक्तपुरमा शनिवार संक्रमित क्षेत्र

    संजीप शुभचिन्तक/ भक्तपुरपोस्ट
    २५५८ पटक

    शनिवार भक्तपुरमा कोरोना संक्रमितको संख्या ह्वात्तै बढेको छ । हालसम्मकै धेरैजना संक्रमित शनिवार थपिएका हुन् ।

    स्वास्थ्य तथा जनसंख्या मन्त्रालयले भक्तपुरमा ५० जना संक्रमित थपिएको जनाएको हो । यो संख्या हालसम्मकै उच्च हो । मन्त्रालयका प्रवक्ता जागेश्वर गौतमले नियमित प्रेस ब्रिफिंगमा उक्त तथ्याङ्क सार्वजनिक गरेका छन् ।

    भक्तपुर स्वास्थ्य कार्यालयका प्रमुख कृष्णबहादुर मिजारले भने सार्वजनिक भएका ५० जना सबै भक्तपुरबासी स्थानीय समुदायका नभएका बताए । उनका अनुसार भक्तपुर बस्ने २९ जना संक्रमित पुष्टि भएका छन् भने बाँकी भक्तपुरस्थित एक सस्थामा काम गर्ने संगठितरुपमा रहने स्टाफ हुन् । उनीहरुको यहाँस्थित सस्थामा गरिएको स्वाब संकलन पछि परीक्षण गर्दा कोरोना पोजेटिभ पुष्टि भएको बताइएको छ ।

    भक्तपुर पोस्ट श्रोतका अनुसार शनिवार संक्रमित हुनेमा भक्तपुर सल्लाघारीका एक १६ वर्षीय युवक देखि थिमीका एक ८९ वर्षीय बृद्ध समेत रहेका छन् । संक्रमित मध्ये १० जना महिला रहेका बताइएको छ ।

    शनिवार भक्तपुर नगरपालिकाको बोलाछें,भार्वाचों,दुधपाटी, सल्लाघारी लगायत क्षेत्रका मानिस संक्रमित पुष्टि भएका छन् भने सूर्यविनायक नगरपालिकाको सूर्यविनायक र बाराहीस्थानमा संक्रमित देखिएका जानकारी प्राप्त भएको छ । त्यसैगरी आज मध्यपुर थिमीको कौसलटारमा मात्र सर्वाधिक ६ जनामा संक्रमण देखिएको छ भने ठिमी,नयाँ बजार, बोडे र धुन्चेपाखामा पनि संक्रमित पाइएका छन् । संक्रमित मध्ये बहुसंख्यक मानिसहरु जिल्लाका स्थायी बासिन्दा हुन् । शनिवारको संक्रमित तथ्यांकमा चाँगुनारायण नगरपालिकाका मानिसहरु छैनन् ।

    ३० बैशाखमा भक्तपुरमा कोभिड १९ को पहिलो केस देखिएको थियो । रामेछाप स्थायी घर भै चाँगुनारायण नगरपालिका  दुवाकोट बस्ने एक २७ वर्षीय सशस्त्र प्रहरी जवान एवं सुनसरी स्थायी घर भै मध्यपुर ठिमी ९ बस्ने एक स्टाफ नर्स संक्रमित भएका थिए ।

    ३० बैशाखमा संक्रमण शुरु भएको भक्तपुर १७ जेठमा भने सबै संक्रमित सन्चो भै कोरोनामुक्त भएको थियो । त्यसयता न्युन मात्रामा संक्रमित देखिदै आएकोमा साउनमा लकडाउन खुलेसंगै संक्रमित भक्तपुरमा पनि बढ्नेक्रम शुरु भएको थियो । हालसम्म भक्तपुरमा कोरोना संक्रमितको संख्या २ सय नाघेको छ ।

    कोभिड १९ का कारण भक्तपुरमा २ जनाले ज्यान गुमाएका छन् ।भक्तपुरको सूर्यविनायक निवासी ६१ वर्षीया महिलाको कोरोना पुष्टि भएको १४ दिनपछि गत बुधवार बिहान ज्यान गएको थियो  भने शनिवार एक ७३ वर्षीय बृद्धले पनि ज्यान गुमाएका छन् । उनी मृगौला सम्बन्धी रोगले समेत ग्रसित थिए ।

    भक्तपुरकी प्रमुख जिल्ला अधिकारी हुमकला पाण्डेले कोरोना रोकथाम र नियन्त्रणका लागि गत बुधबारदेखि एक सातासम्म रहने गरी १७ बुंदे निषेधाज्ञा जारी गरेकी छन् । सडकमा अत्यावश्यक बाहेकका सवारी साधन चलेका छैनन् भने मानिसहरुको आवतजावतमा पनि कडाई गरिएको छ । मानिसहरुले सचेतता नअपनाए निषेधाज्ञाले मात्र कोरोनालाइ निषेध गर्न सकिने अवस्था छैन । भक्तपुरकी प्रजिअ पाण्डेले निषेधाज्ञा उल्लङ्घन गर्ने जोकोहीलाई कारवाही गर्ने भन्दै सो सम्बन्धी सूचना भए आफूलाई प्रत्यक्ष टेलिफोन अथवा इमेलमार्फत सुचित गर्न भक्तपुर पोस्ट मार्फत आह्वान समेत गरेकी छन् ।

    प्रतिकृया दिनुहोस्

    यि हुन् मंगलवारको मन्त्रिपरिषद् बैठकले गरेका ८ निर्णय

    काठमाडौं। प्रधानमन्त्री निवास बालुवाटारमा मंगलबार बसेको मन्त्रिपरिषद बैठकले विभिन्न ८ वटा निर्णयहरु गरेको छ ।...

    शिक्षक सेवा आयोगको अध्यक्षमा मधुप्रसाद रेग्मी नियुक्त

    काठमाडौं । शिक्षक सेवा आयोगको अध्यक्षमा मधुप्रसाद रेग्मी नियुक्त भएका छन् । बुधबार बसेको मन्त्रिपरिषद्...

    माधव नेपाल र प्रचण्डबीच भेटवार्ता

    नेकपा एमालेका वरिष्ठ नेता माधवकुमार नेपाललाई भेट्न नेकपा माओवादी केन्द्रका अध्यक्ष पुष्पकमल दाहाल कोटेश्वर पुगेका...

    अनलाइन शिक्षणसम्बन्धी तालिम माग गरेमा विद्यालयलाई सोझै दिने सरकारी तयारी

      – १० लाख ९३ हजार बालबालिका अनलाइन कक्षामा – इच्छाशक्ति भएका सामुदायिक विद्यालयहरुले अनलाइनबाटै...

    भूवन र दीपाश्रीको सम्बन्ध चिसिएको चर्चा हल्ला मात्रै !

    सर्वाधिक ग्रस कमाई गर्न सफल चलचित्र ‘छक्का पन्जा’का ३ वटै सिरिजका कारण निर्देशक दीपाश्री निरौला...