News Portal

  • अस्पतालको ढोकाबाटै फर्काइन्छ बिरामी

    ३०६ पटक

    चितवन, १२ भदौ । उपचारका लागि निजी अस्पताल पुगेका बिरामीले सेवा नपाएको विषयमा प्रमुख जिल्ला अधिकारी नारायणप्रसाद भट्टराईलाई फोन आइरहन्थ्यो । धेरैले अस्पतालको ढोकामा पुगेर फर्किनु परेको गुनासो गर्थे । तर केही दिनयता भने उनको मोबाइलमा यस्तो समस्या बताएर फोन गर्ने घटेका छन् ।

    ‘अस्पतालको ढोकैबाट फर्किनु परेको गुनासो गरेर कतिपयले फोन गर्थे’, प्रजिअ भट्टराई भन्छन्, ‘निजी अस्पताललाई पनि मनोबल उच्च बनाएर आवश्यक सतर्कता अपनाउँदै सेवाप्रवाहका लागि सहजिकरण गरेका छौं ।’

    जिल्ला प्रशासन कार्यालयमा बुधबार बैठक राखेर कडाइका साथ अस्पताललाई बिरामी नफर्काउन निर्देशन दिइएको उनले बताए । कोरोना त्रासका कारण अहिले पनि हत्तपत्त बिरामी भर्ना गर्न अस्पतालहरु मान्दैनन् । कतिपय अस्पतालले बिरामीलाई उपचारअघि पीसीआर परीक्षण रिपोर्ट ल्याउन भन्ने गरेकोसमेत पाइएको छ ।

    पहिले अवस्था जे भए पनि अहिले अस्पताल सकारात्मक रहेको जिल्ला स्वास्थ्य कार्यालयका प्रमुख दिपक तिवारीले बताए । पहिला छुट्टै कोभिड अस्पताल हुनुपर्ने धारणा राखेका निजी अस्पताल संचालक सरकारको निर्णय पालनामा सहमत छन्। सबै किसिमका अस्पतालले कोरोना संक्रमित बिरामीलाई सेवा दिनुपर्ने सरकारको निर्णय भने निजी अस्पतालले अझै कार्यान्वयन गरिसकेका छैनन् ।

    निजी अस्पतालमा पर्याप्त साधन स्रोतको अभावमा चाहेर पनि काम गर्न नसकिएको निजी अस्पताल समन्वय समिति चितवनका सचिव विक्रम अधिकारीले बताउँदै भने । ‘सरकारीमा काम गर्नेलाई सबै साधन स्रोत, भत्ताको सुविधा छ, हाम्रोमा त्यो छैन । स्वास्थ्यकर्मीको मनोबल उठाउन आवश्यक छ ।’

    अस्पताल सुनसान, घरमै गयो बिरामीको ज्यान
    मकवानपुरको बागमती गाउँपालिका–९ की संगीता लामा तामाङले सामान्य ज्वरोका कारण मृत्युवरण गरिन् । तीन सन्तानकी आमा ३४ वर्षीया तामाङ स्थानीय एक विद्यालयमा सहयोगीको रुपमा कार्यतर थिइन् । गाउँपालिकाको दुर्गम क्षेत्रको कुर्लेमा घर भएकी उनी महिला स्वास्थ्य स्वयं सेविकासमेत हुन् । ‘घरमा सिटामोल थियो, ज्वरो त हो नि भनेर त्यही खाइन्’, संगिताबारे सम्झँदै उनका श्रीमानले भने, ‘भोलिपल्टै त्यस्तो होला भनेर के थाहा ? परिवारले दिएको जानकारी अनुसार उनलाई अघिल्लो दिन सामान्य ज्वरो आएको थियो । संगीताका दाजु भीमले भने, ‘कोरोना त्रासले हामी अस्पताल गएनौं । मेरी बहिनीको अकालमै ज्यान गयो ।’

    बकैया गाउँपालिका–१० मन्थलीका एक युवकले पनि सामान्य ज्वरोकै कारण ज्यान गुमाउनु पर्यो । स्थानीय एक विद्यालयमा सहयोगीको रुपमा कार्यरत उनी सामान्य ज्वरो सम्झेर मेडिकल जान चाहेनन् । परिवार पनि उनकै कुरामा सहमत भए । ज्वरो आएको भनेर घरमै सामान्य उपचार गराइरहँदा ख्यालख्यालैमा उनको निधन भएको परिवारले बताएको छ । दुई सन्तानका बुवा ३७ वर्षीय ती युवकलाई सामान्य ज्वरोबाट बचाउन नसक्दा उनका परिवार तथा आफन्त पछुतो मानिरहेको छ । अन्नपूर्ण पोस्ट्बाट

    प्रतिकृया दिनुहोस्

    भक्तपुरका दुई नगरपालिकामा प्रेस सेन्टरको शाखा बिस्तार

    प्रेस सेन्टर नेपालले भक्तपुर जिल्लाका दुई नगरपालिकामा शाखा बिस्तार गरेको छ । बुधवार सूर्यविनायक र...

    विद्युतीय यातायातलाई सरकारले प्राथमिकता दिन्छ : मन्त्री भुसाल

    ऊर्जा, जलस्रोत तथा सिँचाइमन्त्री पम्फा भुसालले विद्युतीय यातायातलाई सरकारले प्राथमिकतामा दिने दावी गरेकी छन् ।...

    सेनाले बनायो रातमा पनि अवतरण गर्न मिल्ने हेलिप्याड

    जाजरकोट । जाजरकोटमा नेपाली सेनाले रातमा पनि हेलिकोप्टर अवतरण गर्न मिल्ने हेलिप्याड निर्माण गरेको छ...

    पुतलीबजारलाई १ का विरुद्ध ८ गोल गरी भक्तपुर बिजयी : मचामसी उत्कृष्ट खेलाडी घोषित

    एन्फाको आयोजनामा काठमाडौंमा सुरु भएको ‘उपमेयर कप’ महिला फुटबल प्रतियोगितामा भक्तपुर नगरपालिकाले स्याङ्जाको  पुतलीबजार नगरपालिकालाई...

    नागरिकका विवरण सुरक्षित हुनुपर्छ : प्रजापति

    भक्तपुर नगरपालिकामा राष्ट्रिय परिचयपत्रको विवरण भर्ने सम्बन्धमा रुजु अधिकारीहरुबीच अभिमुखीकरण कार्यक्रम सम्पन्न भएको छ ।...