News Portal

  • पत्तै नपाई भाग्यो कोरोना भाइरस

    ८९४ पटक

    बुटवल, २७ भदौ । रूपन्देही सियारी गाउँपालिका–१ की ९६ वर्षीया एक वृद्धा आफू कोरोना संक्रमित भएको थाहै नपाई निको भएकी छन् । ती वृद्धालाई यही भदौ ९ गते कोरोना संक्रमण पुष्टि भएको थियो । तर, परिवारका सदस्यले कोरोना लागेको छ भनेर जानकारी नै गराएनन् । ‘कोरोनाको बारेमा जानकारी दिएर भय सिर्जना गरेको भए हजुरआमाले चिन्ता लिन सक्नुहुन्थ्यो’, उनका एक नातिले भने, ‘त्यसले अरू जटिलता थपिन सक्थ्यो ।’ यद्यपि, ती हजुरआमा घरका सदस्यलाई भनिरहन्छिन्, ‘मास्क लगाऊ, नत्र कोर्‍यो कोरोना हुन्छ ।’ उनी कोरोनालाई कोर्‍यो भन्छिन् । कोरोना लागेपछि के हुन्छ भन्ने पत्तो छैन । न अहिले देखिएको त्रासकै बारेमा जानकारी छ ।

    सुरुमा एक जना नातिमा कोरोना देखिएपछि ती हजुरआमासँगै बुहारी पनि संक्रमणमा परिन् । तर, कुनै लक्षण देखिएन । ‘हजुरआमा कुनै लक्षण नै नदेखिई कोरोना संक्रमणमुक्त हुनुभयो’, नातिले भने । ती वृद्धाको स्याहारसुसार बुहारीले गरिन् । बुहारी पनि कोरोना पोजिटिभ नै थिइन् । छोराले पकाएर खुवाए ।

    हजुरआमाको दैनिकी अरू बेलाजस्तै बित्यो । कुनै लक्षण नदेखिएपछि थप औषधिको आवश्यकता देखिएन । खाजा, खाना खुवाउने नियमित प्रक्रियाजस्तै बन्यो । तातो पानी पर्याप्त खुवाइएको नातिले सुनाए । वनस्पतिको रसबाहेक अरू खुवाउनु परेन ।

    उनले मन्दिर जाने, पूजा गर्ने, नुहाउने, खानेजस्ता नित्यकर्ममै समय बिताइन् । ८४ पूजा गर्दाको मन्दिर घरमै छ । दिउँसो त्यही मन्दिरछेउ गएर बसिन्, साँझ–बिहान घरभित्रै । एक नातिलाई भने ज्वरो आएको थियो । हजुरआमाले सहजै निको भएपछि परिवारका सदस्य दंग छन् । सुरुमा जेठो नातिलाई संक्रमण देखिँदा त्रास थियो । दुई दिनसम्म सय डिग्रीभन्दा बढी ज्वरो आयो । पोजिटिभ रिपोर्ट आएपछि आइसोलेसनमै बसे । पाँच जनाको परिवारमा तीन जना संक्रमित भए, अन्यलाई संक्रमण देखिएन । ‘त्यति धेरै आत्तिइहाल्नुपर्ने अवस्था रहेनछ । तर, सतर्क हुनुपर्छ’, नातिले भने । कोरोनापछि हजुरआमालाई मास्क लगाउन नातिले सिकाए । कोरोनाका विषयमा अरू जानकारी दिएनन् । हजुरआमा निको भएपछि उनीहरूको निष्कर्ष छ, ‘कोरोनाबाट निको हुन आत्मबल चाहिँदो रहेछ ।’ त्रासले झन् बढी जोखिम हुने उनीहरूको परिवारको अनुभव छ ।

    हजुरआमा निको भएपछि गाउँपालिकाका जनप्रतिनिधि घरमै आएर बधाई दिए । स्वास्थ्य मापदण्डअनुसार डिस्चार्जको प्रमाणपत्र थमाए । तर दोस्रो परीक्षण सरकारीस्तरबाट नभएपछि उनीहरूले निजी क्लिनिकबाट गराए । १७ दिनमा रिपोर्ट नेगेटिभ आयो ।

    ती हजुरआमाको शारीरिक अवस्था भने असामान्य छ । दुर्घटनामा पिठ्युको हाड भाच्चिएपछि उनी अरूकै सहारामा हिँडडुल र उठबस गर्छिन् । दुर्घटनाको केही सयमपछि उनलाई प्यारालाइसिस भएको थियो । अन्नपूर्ण पोस्ट्बाट

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...