News Portal

  • जुद्ध बारुण यन्त्र स्थापनाको ७७ औं वार्षिकोत्सव कार्यक्रम सम्पन्न

    भक्तपुरपोस्ट संवाददाता भक्तपुर, ३ असोज
    ४३० पटक
    भक्तपुर, ३ असोज

    भक्तपुरको जुद्ध बारुण यन्त्र स्थापनाको ७७ औं वार्षिकोत्सव कार्यक्रम सम्पन्न भएको छ । कोभिड१९ लाई मध्यनजर गर्दै एक संक्षिप्त कार्यक्रमकाबीच वार्षिकोत्सव सम्पन्न भएको हो ।

    कार्यक्रममा जिल्ला समन्वय समिति भक्तपुरका प्रमुख नवराज गेलालले विविध चुनौतिकाबीच कार्यालयले बिपद्का बेला चुस्त, दुरुस्त र प्रभावकारी सेवा दिईरहेको बताए । उनले श्रोत र साधनको अभावका बाबजुद पनि जोखिम मोलेर नै अग्नि नियन्त्रकहरुले आगो निभाइरहेको भन्दै प्रशंसा गरे ।

    प्रमुख जिल्ला अधिकारी हुमकला पाण्डेले हालसम्म गृह मन्त्रालय अन्तर्गत रहेको यस कार्यालय कानुन बमोजिम स्थानीय तह वा राष्ट्रिय बिपद जोखिम न्युनिकरण तथा ब्यबस्थापन प्राधिकरण अन्तर्गत लैजाने प्रकृया भैरहेको जानकारी गराइन् ।

    उक्त अवसरमा नेपाल पत्रकार महासंघ भक्तपुरका अध्यक्ष पुष्करराज बुढाथोकीले भक्तपुर जिल्ला सानो रहेको र बिपद्का बेला समयमै जहाँ पुग्न पनि कठिन नरहेकाले यसै कार्यालयलाई जिल्लाका ४ वटै स्थानीय तहसँग समन्वय गरी संचालन गर्नु उपयुक्त हुने सुझाव दिएका थिए भने मध्यपुर थिमि नगरपालिका बरिष्ठ कानुनी सल्लाहकार केशब सिलवालले कार्यालयलाई नगरपालिकाको तर्फबाट निरन्तर सक्दो सहयोग जारी रहने प्रतिवद्धता प्रकट गरे ।

    कार्यालय प्रमुख राजनप्रसाद दाहालले कार्यालयका लागि एउटा सानो दमकल अपुग रहेको बताए । सेवालाई थप चुस्त र दुरुस्त बनाउन भक्तपुरका ४ वटै नगरपालिकासँग समन्वय गरिएको जानकारी गराउदै उनले सबैको साथ् र सहयोग प्राप्त भैरहने बिश्वास व्यक्त गरेका थिए । उनले कर्मचारीको बृत्ति बिकासका लागि चौतर्फी पहल गरिएको र भौतिक पूर्वाधारको लागि करिब रु ६ करोड ८६ लाखको लागतमा नयाँ भवन बन्ने क्रममा रहेको जानकारी गराए ।

    कार्यक्रममा जुद्ध वारुणयन्त्रका सुचना अधिकारी विजय धौभडेलले दमकल र जनशक्ति अभाव र जीर्ण भवनका कारण समस्या परिरहेको भएपनि सबैको सहयोगले काम गर्दै आएको बताए । तत्कालीन राणा सरकारले तीन रोपनी नौ आना सार्वजनिक जग्गामा भवन निर्माण गरी वि.सं २००१ मा स्थापना भई सञ्चालनमा आएको जुद्ध वारुणयन्त्र कार्यालयले निकै कठिनाइका बाबजूद भक्तपुर भित्र मात्र नभई काठमाडौं, ललितपुरदेखि काभ्रे, रामेछाप र सिन्धुपाल्चोकको तातोपानीसम्म पुगेर सेवा प्रवाह गर्दै आइरहेको उनको भनाइ छ ।

    ७७ औं स्थापना दिवस कार्यक्रममा जिसस प्रमुख गेलाल,प्रजिअ पाण्डे, महानगरीय प्रहरी परिसर भक्तपुरका प्रमुख एसपी तारादेबी थापा लगायतले कार्यालयका कर्मचारी हेभी फायरम्यान केशब श्रेष्ठलाई बर्षको सर्बाेत्कृष्ट कर्मचारीको रुपमा सम्मान गरेका थिए भने फायरम्यान केशब चापागाईं,सवारी चालक बिकास त्वायना र कार्यालय सहयोगी निशा बुढाथोकीलाई उत्कृष्ट कर्मचारीको रुपमा नगद र सम्मानपत्र प्रदान गरी सम्मान गरे । उक्त अवसरमा दाता बिएम सप्लायर्सका प्रमुख धु्र्वकुमार श्रेष्ठ र मध्यपुर थिमि नगरपालिकालाई पनि सम्मान गरिएको थियो ।

    प्रतिकृया दिनुहोस्

    मुआब्जा र क्षतिपूर्ति न्यायोचित तवरले उपलव्ध गराउन मन्त्री भुसालको निर्देशन

    उर्जा, जलश्रोत तथा सिंचाई मन्त्री पम्फा भुसालले विभिन्न आयोजना निर्माणका लागि आवस्यक पर्ने जग्गा अधिग्रहण...

    शिरमा देश र मनमा मधेश : प्रदेश प्रमुख अहिराजका १२ काम

    rajesh ahiraj

    प्रदेश २ का प्रदेश प्रमुख डा.राजेश अहिराजले शिरमा देश र मनमा मधेश राखेर काम गरिरहेको...

    अपि पावर कम्पनी लिमिटेडको शेयर आजदेखि लिलाममा

    अपि पावर कम्पनी लिमिटेड ले हकप्रद निष्काशन गर्दा बिक्रि नभएको सेयर आज साउन १३ गतेदेखि...

    Chinese Democracy Develops Living Standard

    The definition of democracy It is said that democracy is the system of governance for...

    महन्थको राजनीती धरापमा

      निर्वाचन आयोगले जनता समाजवादी पार्टी (जसपा) को आधिकारिकता उपेन्द्र यादव पक्षलाई दिएको छ ।...