काठमाडौं, ११ असोज । कोरोना महामारीका कारण अन्य व्यवसाय धराशयी बन्दै गएको पनि मोबाइलको बजार भने चम्किएको छ । चालू आर्थिक वर्षको पहिलो २ महिनामा अघिल्लो वर्षको यही अवधिको तुलनामा भन्दा मोबाइलको आयात निकै बढेको छ ।
मोबाइलको माग बढेका कारण सबैभन्दा बढी आयात हुने डिजेल र पेट्रोललाई उछिन्दै मोबाइलको आयात पहिलो नम्बरमा उक्लिएको छ । भन्सार विभागले सार्वजनिक गरेको तथ्यांकअनुसार यस अवधिमा सात अर्ब ९४ करोड रुपैयाँको मोबाइल आयात भएको छ, जुन अघिल्लो वर्षको यही अवधिको तुलनामा दुई अर्ब ८४ करोड रुपैयाँले बढी हो ।
यस अवधिमा अन्य बेला सबैभन्दा बढी आयात हुने डिजेल र पेट्रोलको आयात भने पाँच अर्ब ५ करोड रुपैयाँ मात्रै रहेको छ । आर्थिक अभियान दैनिकबाट