News Portal

  • दशैंमा हलमै गएर हेर्न पाइएला त नेपाली चलचित्र ?

    इभक्तपुर संवाददाता
    ४४८ पटक

    काठमाडौं, १५ असोज । दशैं–तिहारको सिजन नेपालीचलचित्र प्रदर्शनका लागि बैंसालु समय मानिन्छ । तर यस पटक कोरोना महामारीका कारण न त हल मालिकहरू ‘चलचित्र ल्याऊ, म देखाउँछु’ भनिरहेका छन्, न चलचित्र निर्माताले ‘हल खोल, म चलचित्र दिन्छु’ भनेको नै सुनिएको छ । आमनागरिकले कोरोनासँग बाँच्ने मनस्थिति बनाइरहेको सन्दर्भमा पनि यो सुस्ती किन ?

    यस सुस्तीलाई तोड्न अघि सरेको छ– ‘चलचित्र विकास बोर्ड ।’ अब प्रदर्शनमा आउने नेपाली चलचित्रको प्रचार सामग्री छपाइदेखि भीभीपीसी र इन्कोडिङजस्ता प्राविधिक कार्यसम्म बोर्डले गरिदिने भएको छ ।

    कोरोना महमारीका कारण सात महिनादेखि ठप्प हुन पुगेको नेपाली चलचित्र क्षेत्रलाई अगाडि बढाउन बोर्डले प्रचार सामग्री छपाइदेखि इन्कोडिङसम्म गरिदिने भएको हो । बोर्डका अध्यक्ष दयाराम दाहालका अनुसार कोरोना महमारीका कारण ठप्प हुन पुगेको चलचित्र क्षेत्रलाई चलायमान बनाउन बोर्डले सघाउन लागेको हो । उनका अनुसार आगामी ६ महिनासम्म प्रदर्शनमा आउने नेपाली चलचित्रको पोस्टर र स्टिकर छपाइदेखि भीभीपीसी र इन्कोडिङ गर्ने कार्यसम्म बोर्डले सहजीकरण गर्नेछ ।

    ‘कोरोनाका कारण ७ महिनादेखि यो क्षेत्र ठप्प छ । यो विकराल समयमा रिलिजमा आउने फिल्मलाई प्रोत्साहित गर्दै चलचित्र क्षेत्रलाई चलायमान बनाउन बोर्डले भूमिका खेल्नेछ । यसका लागि पब्लिसिटी डिजाइन प्रिन्ट गर्न र भीभीपीसी तथा इन्कोडिङ गर्न सम्बन्धित संस्थासँग बोर्डले समन्वयकारी भूमिका खेल्नेछ । नभए आपैmले खर्च गरेर सघाउनेछ’, दाहालले भने– ‘जतिसक्दो चाँडै सिनेमा हल खोल्न र छायांकन कार्य खुलाउन नेपाल चलचित्र संघ र नेपाल चलचित्र निर्माता संघसहित बोर्डले सीसीएमसी बोर्डलाई अनुरोध गरेको छ । उनीहरू चाँडै हल खोल्ने वातावरण बनाउन सकरात्मक छन् । तर हल खुलिहाले पनि दर्शकलाई हलमा आउन सुरक्षित छ भन्ने विश्वास दिलाउनु जरुरी छ । त्यसका लागि सघाउन बोर्ड अगाडि सरेको हो । तर यस्तो सहयोग शुरूको ६ महिनाका लागि हुनेछ ।’

    यसबाहेक बोर्डले प्रदर्शनमा आउने चलचित्रको प्रचार प्रसारमा पनि सघाउने दाहालले जानकारी गराए। ‘चलचित्र चलाउन केही साता प्रचार गर्नु जरुरी छ । त्यसका लागि बोर्डले सरकारी मिडियामा ५० प्रतिशत छुटमा चलचित्रको प्रचार प्रासार गर्ने सकिने व्यवस्था मिलाएको छ । नेपाल टेलिभिजिनमा चलचित्रको विज्ञापन गर्ने चलचित्रले ५० प्रतिशत छुट पाउनेछन् । रेडियो नेपाल र गोरखापत्रमा पनि कुरा भइरहेको छ । यसबाहेक अन्य निजी टेलिभिजनमा पनि कुरा भइरहेको छ । नेपाल समाचारपत्रबाट

    प्रतिकृया दिनुहोस्

    चाँगुमा पत्रकार : काँग्रेस उपसभापतिमा दुलाल असफल, एमाले उपाध्यक्षमा बास्तोला निर्विरोध

    yaya ram bastola sanjeev dulal

    भक्तपुरमा राजनीतिक दलको नेतृत्व तहमै पत्रकारहरुको प्रभाव देखिएको छ । सत्तारुढ दल नेपाली काँग्रेस र...

    भक्तपुरका दुई नगरपालिकामा प्रेस सेन्टरको शाखा बिस्तार

    प्रेस सेन्टर नेपालले भक्तपुर जिल्लाका दुई नगरपालिकामा शाखा बिस्तार गरेको छ । बुधवार सूर्यविनायक र...

    विद्युतीय यातायातलाई सरकारले प्राथमिकता दिन्छ : मन्त्री भुसाल

    ऊर्जा, जलस्रोत तथा सिँचाइमन्त्री पम्फा भुसालले विद्युतीय यातायातलाई सरकारले प्राथमिकतामा दिने दावी गरेकी छन् ।...

    सेनाले बनायो रातमा पनि अवतरण गर्न मिल्ने हेलिप्याड

    जाजरकोट । जाजरकोटमा नेपाली सेनाले रातमा पनि हेलिकोप्टर अवतरण गर्न मिल्ने हेलिप्याड निर्माण गरेको छ...

    पुतलीबजारलाई १ का विरुद्ध ८ गोल गरी भक्तपुर बिजयी : मचामसी उत्कृष्ट खेलाडी घोषित

    एन्फाको आयोजनामा काठमाडौंमा सुरु भएको ‘उपमेयर कप’ महिला फुटबल प्रतियोगितामा भक्तपुर नगरपालिकाले स्याङ्जाको  पुतलीबजार नगरपालिकालाई...