News Portal

  • चाँगुनारायणका १ हजार बढी छात्रालाई स्यानेटरी प्याड वितरण

    हेमराज ढकालचाँगुनारायण, १५ असोज
    ४५५ पटक
    चाँगुनारायण, १५ असोज

    भक्तपुर । चाँगुनारायण नगरपालिकाले विद्यालय उमेरका किशोरीहरुलाई स्यानेटरी प्याड वितरण कार्यक्रम सुरु गरेको छ । बुधबार दुवाकोटस्थित चाँगुनारायण माविमा आयोजित एक कार्यक्रममा उपप्रमुख विना बास्तोलाले किशोरीहरुले महिनावारी भएपछि लगाउने प्याड वितरण गरेकी हुन् ।

    विद्यालयका प्रार्चाय मार्फत उक्त स्यानेटरी प्याड कक्षा ६ देखि १२ सम्म अध्ययनरत किशोरीहरुलाई निःशुल्क रुपमा वितरण हुने उपप्रमुख बास्तोलाले जानकारी दिएकी छिन् । नगरपालिका अन्तर्गत रहेका सबै सामुदायिक विद्यालयमा उक्त कार्यक्रम लागू गरिएको छ । जुन संघीय सरकारले सुरु गरेको अभियान हो ।

    कार्यक्रममा बोल्दैं उपप्रमुख बास्तोलाले भनिन् ‘महिनावारी भएपछि छात्राहरु स्कुल आउन बन्द गर्ने भएकाले सरकारलेनै यस्तो कार्यक्रम लागू गरेको हो ।’ चाँगुनारायण नगरमा सामुदायिक विद्यालयलाई पनि अन्य सरह बनाउन मुख्य भूमिका प्रधानाध्यापक भएको उनको भनाई छ । सबै क्षेत्र मिलेर मात्र सामुदायिक विद्यालयमा विद्यार्थीको संख्या बढाउन सकिने उपप्रमुख बास्तोलाले बताइन् । छात्राहरुको शारिरीक र मानसिक स्वास्थ्यमा समेत यसले सकारात्मक प्रभाव पार्ने विश्वास लिएको छौं, बास्तोलाले भनिन् ।

    कार्यक्रममा नगरपालिका शिक्षा शाखा प्रमुख वीरबहादुर खड्काले उपलब्ध भएको प्याड लक्षित छात्रासम्म पु¥याउने दायित्व विद्यालय प्रमुखको भएको बताए । उनले यसपछि छात्राको अनुपस्थिती हुने दरलाई न्यूनिकरण गर्न सहयोग पुग्ने आशा लिए ।
    उक्त कार्यक्रममा चाँगुनारायण माविका प्रार्चाय दधिराम गेलाल, नगरपालिका शिक्षा शाखाकी मिरा तिमिल्सेना, विभिन्न विद्यालयक प्रधानाध्यापकहरुको उपस्थिती रहेको थियो ।

    नगरपालिकामा रहेका ९ वटै वडामा रहेका २४ सामुदायिक विद्यालयमा अध्ययन गर्ने १ हजार ३ सय ४ जना छात्रालाई स्यानेटरी प्याड वितरण गरिएको नगरपालिकाले जानकारी दिएको छ ।

    प्रतिकृया दिनुहोस्

    सूर्यविनायकमा मानव कंकाल फेला : अनुसन्धानमा सहयोग गर्न प्रहरीको अपिल

    भक्तपुरको सूर्यविनायक नगरपालिका वडा नं. ७ गुण्डु स्थित जंगलमा एक मानव कंकाल फेला परेको छ...

    निषेधाज्ञा खुलेसँगै थपिए कोरोना सङ्क्रमित , तेस्रो लहर आउनसक्ने चेतावनी

    निषेधाज्ञा खुलेसँगै कोरोना भाइरस सङ्क्रमणको दर पनि बढेको छ । पछिल्लो एक हप्ताको तथ्याङ्क हेर्दा...

    फेरी बढ्यो सुनचाँदीको मुल्य

    नेपाली बजारमा सुनचाँदीको मुल्य फेरी बढेको छ । आज छापावाला सुन तोलामा ३ सय रुपैयाँ...

    पुष्पलाल स्मृति दिवसको प्रवचन कार्यक्रममा प्रचण्ड माधव र विप्लवका नेता एकै ठाउमा

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’देखि नेपाल कम्युनिस्ट पार्टीका महासचिव नेत्रविक्रम चन्द ‘विप्लव’सम्म आज...

    बिजुक्छेसंग उत्तर कोरियाली राजदुतले खोले आन्तरिक कुरा

    नेपालका लागि प्रजातान्त्रिक जनगणतन्त्र कोरियाका राजदूत जो योङ मानले आफ्नो देशको आणविक शक्तिबारे अवगत गराएका...