News Portal

  • पाँच जना हवाई यात्रुमा कोरोना देखिएपछि

    ४०६ पटक

    काठमाडौं, २१ असोज । नेपाल वायुसेवा निगमको विमानमार्फत हङकङ पुगेको पाँच जनामा कोरोना पुष्टि भएपछि दुई साता हङकङ उडान नहुने भएको छ ।

    ‘आरए ४०९९’ उडानमार्फत एक सय २० जना यात्रु बोकेर असोज १६ गते राती नेपालबाट उडेको उक्त विमानका याुत्रको १७ गते रिपोर्ट आएको थियो । त्यहाँको विमानस्थलमा स्वास्थ्य परिक्षणको क्रममा पाँच जना नेपालीको कोरोना पुष्टि भएपछि हङकङले कार्तिक १ सम्म निगमको उडानमा रोक लगाएको छ ।

    निगम प्रवक्ता अर्चना खड्काका अनुसार हङकङमा साताको दुई उडान हुँदै आएपनि उडानमा लागेको प्रतिबन्धको समय अवधिमा दुई वटा उडान तालिका रहेको र उक्त उडानहरु रद्द हुने जनाइएको छ ।
    निगमले तोकिएको स्वस्थ्य मापदण्डको आधारमा यात्रुलाई विमान चढाउँदै आइएको र उक्त उडानमा रहेका यात्रुले पनि ७२ घण्टा अधिको स्वास्थ्य परिक्षण रिपोर्ट बुझाएर नै उडानमा सहभागी भएको उनको भनाई छ ।

    नेपालमा गरिएको परिक्षणमा रिपोर्ट नेगेटिभ आएपनि हङकङमा गरिएको परिक्षणमा रिपोर्ट पोजेटिभ आएका कारण निगमको दुई सातको उडानमा रोक लागेको र अन्य कुनै पेनाल्टीबारे जानकारी नआएको खड्काले बताइन् ।

    नेपालमा कोरोना परिक्षण गराएपछि यात्रु वाहिरी व्यक्तिको सम्पर्कमा गएको हुन सक्ने र उक्त लापरवाहीको भागिदार विमान कम्पनी हनुपरेको उनको भनाई छ ।

    परिक्षण पश्चाल भोजभतेर तथा किनमेल र आफन्तसंग भेटघाट घेरै हुनेभएकाले अन्य व्यक्तिबाट यात्रुमा कोरोना संक्रमण हुन सक्ने समेत निगमको अनुमान छ ।

    त्यहाँको स्वास्थ्य मापदण्डको आधारमा सबै यात्रुलाई १४ दिन क्वारेन्टिनमा राख्ने व्यवस्था रहेको छ । नेपाल फर्किएको उक्त विमानका चालक दलका सदस्यमा कुनै प्रकारको लक्षण नरहेको समेत निगमले जनाएको छ । नागरिक दैनिकबाट

    प्रतिकृया दिनुहोस्

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    banijya bank kamalbinayak

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको...

    नेपाली कांग्रेस भक्तपुरको सभापतिमा दुर्लभ थापा प्यानलसहित दोहोरिए

    नेपाली कांग्रेसको १४ औं महाधिवेशन अन्तर्गत भक्तपुरमा भएको जिल्ला अधिवेशनबाट दुर्लभ थापाको नेतृत्वमा नयाँ कार्यसमिति...

    एमाले महाधिवेशनमा सहमति जुटेन, नेतृत्वका लागि निर्वाचन तालिका सार्वजनिक

    सौराहा, १२ मंसिर । केन्द्रीय निर्वाचन आयोगले नेकपा एमालेको दसौँ राष्ट्रिय महाधिवेशनका लागि निर्वाचनको कार्यक्रमको...

    भक्तपुरबाट कांग्रेसको पहिलो मन्त्री दिलाउन सफल सभापति थापा पुन: दोहोरिने दावी,सोमबार चुनाव

    पार्टीको आन्तरिक प्रतिस्पर्धामा पोख्त नेपाली कांग्रेसको अधिवेशनले भक्तपुरमा चुनावी माहौल सृजना गरेको छ । नेपाली...

    भक्तपुरमा माओवादी केन्द्रको नगर सम्मेलन सम्पन्न

    भक्तपुर नगरपालिकामा नेकपा (माओवादी केन्द्र)को दोश्रो सम्मेलन सम्पन्न भएको छ । शनिवार सल्लघारीमा सम्मेलन सम्पन्न...