News Portal

  • भक्तपुर पोष्टद्वारा पनि भक्तपुरको काेभिड व्यवस्थापन कोषमा रु १० हजार प्रदान

    भक्तपुर पोष्ट संवाददाता भक्तपुर, ६ कात्तिक
    ५९४ पटक
    भक्तपुर, ६ कात्तिक

    भक्तपुरबाट प्रकाशित हुने लोकप्रिय अनलाइन पत्रिका भक्तपुर पोष्ट डट कमले पनि भक्तपुरमा कोरोना भाइरस संक्रमण (कोभिड १९) रोकथाम र नियन्त्रणका लागि आर्थिक सहयोग गरेको छ । भक्तपुर नगरपालिकाको प्रकोप व्यवस्थापन कोषमा भक्तपुर पोष्टले नगद १० हजार रुपैयाँ सहयोग प्रदान गरेको हो ।

    बिहीवार नगरपालिकाका प्रमुख सुनिल प्रजापतिलाई सम्पादक संजीप घिमिरेले नगद हस्तान्तरण गरेका हुन् । उक्त अवसरमा वडा नम्बर ९ का वडाध्यक्ष रवीन्द्र ज्याख्व, भक्तपुरपोष्टका पत्रकार एवं व्यवस्थापक राजेशमान मानन्धर र नगरपालिकाकी प्रेस संयोजक कीर्तिका प्रजापति लगायतको उपस्थिति रहेको थियो ।

    कोभिड १९ रोकथाम र नियन्त्रणको लागि भक्तपुर नगरपालिकालाई प्राप्त सहयोगको लागि नगरपालिकाको तर्फबाट नगरप्रमुख सुनिल प्रजापतिले भक्तपुरपोष्टलाई धन्यवाद ज्ञापन गरेका छन् । कोभिड १९ रोकथाम र नियन्त्रणमा संचार माध्यम थप संवेदनशील भएर जनतालाई सुसुचित गर्नुपर्ने आवश्यकता औल्याउदै उनले चाडबाडलाई औपचारिकतामा सिमित गर्न र अनावश्यक आवतजावत, सम्पर्क र भिडभाड रोक्न प्रेरित गर्ने संदेश सस्प्रेषण हुने अपेक्षा समेत व्यक्त गरे ।

    सवैको सामुहिक प्रयासबाट मात्र कोभिड माथि विजय प्राप्त गर्न सकिने बताउदै नगरप्रमुख प्रजापतिले दाताहरुको विश्वासले काम गर्न थप प्रेरित गरेको बताए । ” स्वस्फुर्तरुपले दाताहरुले प्रकोप व्यवस्थापन कोषमा सहयोग गरिरहनु भएको छ । नगरपालिकाले सहयोगको सहि सदुपयोग गर्छ भन्ने तपाईहरुको विश्वास नै हाम्रो लागि कोभिडसंग लड्ने हतियार हो ।” नगरप्रमुख प्रजापतिले भने ।

    संघीय सरकारले कोभिड १९ परीक्षण र आइसोलेसन खर्च बिरामीबाट असुल गर्न खोज्नु दुखद र लोककल्याणकारी राज्यको सिद्धान्त विपरित भएको भन्दै नगरप्रमुख प्रजापतिले भक्तपुरमा कोभिड १९ परीक्षण र आइसोलेसन सेन्टर संचालनमा यसले चुनौती थपेको प्रतिक्रिया दिएका छन् । बागमती प्रदेशले सेवा यथावत राखेको भनेपनि धुलिखेलस्थित प्रदेशको प्रयोगशालाले भक्तपुरबाट संकलित स्वाब परीक्षण गर्न नमानेको उनले खुलासा गरे । संघ र प्रदेशको चालाले स्थानीय तहमा अन्योलता छाएको उनको भनाइ छ । ” संघ र प्रदेशको चालाले कोभिड १९ नियन्त्रण चुनौतीपूर्ण बनेको छ । यद्यपी, भक्तपुर नगरपालिका आफ्नो क्षमताले भ्याएसम्म यसलाई परास्त गर्न प्रतिवद्ध छ ।” उनले भने ।

    भक्तपुरपोष्टका सम्पादक संजीप घिमिरेले भक्तपुर नगरपालिकाको तीब्र इच्छाशक्ति र अर्जुन दृष्टिका कारण घना बस्ती भएता पनि तुलनात्मकरुपमा काेभिडकाे कम संक्रमण भएको भन्दै जनताप्रतिको जिम्मेवारी बोध अनुकरणीय रहेको बताएका थिए । ”हामीले धन भएर होइन, मन भएर आर्थिक सहयोग गरेका हौँ । याे जनस्तरबाट पनि उपचार खर्च जुटाउन सकिन्छ भन्ने संदेश पनि हाे ।” घिमिरेले भने । त्यसैगरी व्यवस्थापक राजेशमान मानन्धरले आगामी दिनमा अन्य नगरपालिकामा पनि सहयोग गर्दै जाने लक्ष रहेको बताए ।

    प्रतिकृया दिनुहोस्

    नेपाल – भारत साहित्य दोस्रो महोत्सवको लागि बैठक सम्पन्न

    काठमाडौं । नेपाल -भारत साहित्य यात्राको दोस्रो संस्करणको रुपमा त्रिदीवसीय नेपाल भारत साहित्य दोस्रो महोत्सव...

    महिला सशक्तीकरणमा लायन्स

    काठमाडौं, सामाजिक क्षेत्रमा विविध कार्य गर्दै आइरहेको लायन्स अफ काठमाडौं, ब्राइटस्टारको प्रायोजनमा महिला सशक्तीकरण कार्यक्रमअन्तर्गत...

    बिग्रेको बाटोका कारण बाल्कोटमा ट्र्याक्टर चालकको ज्यान गयो : प्रहरी

    भक्तपुरको सूर्यविनायक- २ बालकोटस्थित महेन्द्र शान्ति स्कूलबाट चारदोबाटो तर्फ आउदै गरेको ट्र्याक्टर दुर्घटना हुँदा चालकको...

    पाप पखाल्ने इन्द्रदह

    नेपाल भाषामा ‘येँ’ भन्नाले काठमाडौँ भन्ने बुझिन्छ , ‘किँ’ को अर्थ किला र दह अर्थात्...

    मानवीय आस्थामा नयाँ कार्यसमिति

    भक्तपुरमा क्रियाशील गैरसरकारी संस्था मानवीय आस्था नेपालको छैठौं साधारण सभा सम्पन्न भएको छ । आइतबार...